TOShKENT, 18 mar — Sputnik. O‘zbekistonda bo‘lib turgan xorijliklarning viza muddati joriy yilning 10-apreligacha avtomatik uzaytirib beriladi. Bu haqda Turizmni rivojlantirish qo‘mitasi xabar qildi.
Ta’kidlanishicha, mamlakatga vizasiz kirish huquqiga ega bo‘lgan davlatlar fuqarolariga joriy yilning 10-apreligacha mamlakatdan chiqib ketishga ruxsat beriladi.
Bundan tashqari qarorga ko‘ra, turizm maqsadida qabul qilingan, karantin muddatiga to‘g‘ri kelgan barcha chiptalar xaridorlar tomonidan qaytarilganda jarimasiz qabul qilinadi, chipta narxi xaridorga to‘liq qaytarilib, uning muddati boshqa kunga ko‘chiriladi.
Eslatib o‘tamiz, koronavirusning kirib kelishi va tarqalishining oldini olish maqsadida joriy yilning 16-mart kunidan boshlab O‘zbekiston va barcha xorijiy davlatlar o‘rtasidagi avtomobil va aviqatnovlar rasman to‘xtatib qo‘yildi. Hozirda O‘zbekistonda bo‘lgan xorijliklarni o‘z yurtlariga qaytarish, xorijdagi o‘zbekistonliklarni mamlakatga qaytarish bo‘yicha harakatlar olib borilmoqda.
