22:48 20 Oktyabr 2020
Efir
  • RUB133.19
  • EUR12153.63
  • USD10371.76
Turizm
Havola olish
156 0 0

Eron tomon Oʻzbekiston bilan parlamentlararo, savdo-iqtisodiy, madaniy va turistik aloqalarni kengaytirishdan manfaatdor ekanini qayd etdi.

TOSHKENT, 9 okt - Sputnik. Oʻzbekiston Bosh vazir oʻrinbosari, Turizmni rivojlantirish davlat qoʻmitasi raisi Aziz Abduhakimov Eron elchisi Hamid Nayerobodiy bilan muzokaralar oʻtkazdi. Uchrashuv doirasida turizm sohasidagi ikki tomonlama hamkorlikni kuchaytirishga doir kelishuvga erishildi, deb xabar bermoqda Turizm davlat qoʻmitasi matbuot-xizmati.

Tomonlar turizm sohasida COVID-19 pandemiyasi asoratlarini yumshatish boʻyicha oʻzaro tajriba almashishdi, pandemiya bilan bogʻliq vaziyatni hisobga olgan holda, xalqaro turistik sayohatlarni tiklashga doir birinchi darajali chora-tadbirlar muhokama qilindi. 

Oʻtkazilgan muzokaralarning yana bir muhim masalasi Oʻzbekistondagi tarixiy-madaniy meros obʼyektlarini saqlash hamda ularni restavratsiya qilish boʻyicha hamkorlikdagi loyihalar realizatsiyasi, shu yoʻnalishda tajriba almashish va mutaxassislarni tayyorlash boʻldi. Bundan tashqari, uchrashuv davomida nomoddiy madaniy meros obʼyektlarini targʻib qilish va ularni YUNESKO roʻyxatiga kiritish masalalarini ishlab chiqishga toʻxtalib oʻtildi, bunda Oʻzbekiston va Eron xalqlari tarixi, madaniyati, anʼanalari va urf-odatlari hamda oshxonasi mushtarakligi alohida qayd etildi.

Hamid Nayerobodiy Eron hukumati Oʻzbekistondagi islohotlarning yuqori surʼatlarda rivojlanayotganini katta qiziqish bilan kuzatayotganini maʼlum qilib, bunda prezident Shavkat Mirziyoyevning mamlakatni ilgari surish va Oʻzbekistonning boʻlgʻusi “Uchinchi Renessansi”ni yaratish yoʻlida yuritayotgan siyosati roli juda katta ekanligini taʼkidladi.

Eron tomon Oʻzbekiston bilan parlamentlararo, savdo-iqtisodiy, madaniy va turistik aloqalarni kengaytirishdan manfaatdor ekanini qayd etdi.

Uchrashuv yakuniga koʻra, tomonlar Oʻzbekiston hamda Eron oʻrtasida madaniyat va sanʼat sohasida hamkorlik qilishga doir Hukumatlararo kelishuv va 2020-2023 yillarda turizm sohasida hamkorlik qilish boʻyicha Hukumatlararo dasturni imzolashga tayyorgarlik jarayonlarining tezlashtirishga oid kelishuvga erishishdi. Shuningdek, tomonlar restavratsiya ishlari tafsilotlarini belgilash hamda "yoʻl xaritasi"ni tuzish uchun eronlik ekspertlar delegatsiyasining Oʻzbekistonga tashrifini tashkil qilishga kelishib olishdi.

Bundan tashqari, tibbiyot turizmini rivojlantirish maqsadida Eron tomonidan Samarqand viloyatida zamonaviy Salomatlik markazini yaratish rejalashtirilmoqda, bunda Eron mutaxassislari va texnologiyalari jalb etilishi kutilmoqda.

Mazkur salomatlik markazida murakkab tibbiy jarrohlik amaliyotlarini oʻtkazish imkoni yaratiladi.

2019 yilning 2 noyabrida Toshkent  shahrida SHHT davlatlarining hukumat rahbarlari kengashi yigʻilishi doirasida Oʻzbekiston  Bosh vaziri Abdulla Aripov va Eron birinchi vitse-prezidenti Ishoq Jahongiriy oʻrtasida oʻtgan muzokaralarda tarixiy yodgorliklarni restavratsiya qilish va tiklashga oid kelishuvlarga erishilgan edi.

Asosiy mavzular