Hindlarning qanday qilib urush tangrisi Murugandan rahm-shavqat so‘rab iltijo qilganini ko‘rishga muyassar bo‘lgan sayyohlar, bunday misli ko‘rilmagan holatni qachonlardir unutib yuborishlari dargumon. Mazkur din e’tiqodchilari juda qattiq og‘riqqa dosh berishadi: ular til va yonoqlarini xanjarlar yoki uzun ignalar bilan teshishadi, oyoq yalang qizib turgan ko‘mir ustidan yurib o‘tishadi, boshlarida sut solishga mo‘ljallangan po‘latdan yasalgan og‘ir idishlarni ko‘tarishadi.
Ular orasida shunday afsona borki, inson bayram oldidan to‘g‘ri ro‘za tutgan bo‘lsa, tanasida qon paydo bo‘lmaydi.
