05:40 21 Avgust 2019
Efir
  • RUB138.47
  • EUR10092.14
  • USD9061.00

Toshkent markazidagi Boʻzsuv kanalida 4ta gondola-qayiqlar aholiga sayr xizmatlari koʻrsata boshladi.

Kecha 21 iyuldan boshlab “Boʻzsuv” kanalining Minor masjidiga tutash hududda gondola shaklidagi qayiqlarda sayr qilish maskani ochiladi, deb xabar qilmoqda Toshkent shahar hokimligi matbuot xizmati.

Xabaringiz bor, oʻtgan davr mobaynida mazkur hududda obodonlashtirish ishlari olib borilib, kanal atrofi tozalandi, qirgʻoq boʻylari mustahkamlandi. Aholi dam olishi, madaniy hordiq chiqarishi uchun talab etilgan sharoitlar yaratildi. Jumladan, oʻrindiqlar, yoritgichlar oʻrnatildi, bepul WiFi hudud tashkil etildi. Shuningdek, tadbirkor tomonidan 4 ta 4 kishilik “Gondola” qayiqlari hamda 1 ta 8 kishilik motorli sayr qayigʻi olib kelindi.

Endi ushbu maskan yurtdoshlarimiz va shahrimiz mehmonlari suv boʻyida maroqli hordiq chiqarishlari uchun xizmat qiladi, - deyilgan xabarda.

Gondola – bu anʼanaviy uslubda yasalgan qayiqlar, Venetsiya shahrining timsollaridan biri hisoblanadi. Bir necha yuz yillar davomida Venetsiya aholisi ushbu qayiqlardan asosiy transport vositasi sifatida foydalanib kelmoqda. Odatda gondolada bir yo ikki nafar eshkakchi boʻladi.

Yana video

Asosiy mavzular