13:59 06 Dekabr 2019
Efir
  • RUB147.79
  • EUR10476.36
  • USD9510.99

Xorazm viloyati hokimi Farhod Ermanov ham xalqdan uzr soʻradi.

Xorazm viloyati hokimi Farhod Ermanov ham xalqdan uzr soʻradi.

“Hurmatli eldoshlar, hurmatli Ashxobod mahallasi ahli, butun Xorazm viloyati jamoasi, bugun men juda katta iztirob bilan oldingizda turibman. Biz oʻylamay qilgan ishimiz natijasida, Ashxobod mahallasi aholisiga katta aziyat yetkazdik. Bu yerda men oʻzimni aybdor deb bilaman” – dedi Farhod Ermanov.

Uning taʼkidiga koʻra, agar hammasini oldindan hisob-kitob qilib, xalq bilan maslahatlashilgan holda olib borilganda bunday gap-soʻzlar boʻlmas edi.

Hokim oʻylamay bosilgan qadam natijasida mahalla ahliga nafaqat moddiy, balki sogʻlik masalasida ham muammo keltirilgani qayd etdi.

“Viloyat hokimining vakolatiga xalqning daxlsizligi, uning moddiy neʼmatlarini asrash kiradi. Ammo men qoʻl ostimdagi odamlar bilan qilgan ishimiz umuman toʻgʻri kelmasligini bilib turibmiz. Men butun Xorazmdan kechirim soʻrashim kerakki, chunki bunday ishlar nafaqat Ashxobod mahallasida, balki boshqa tumanlarda ham boʻlmagan, deb kafolat berishdan yiroqman. Bugundan boshlab yana barcha ishlarni sarhisob qilib, barchasini joy-joyiga qoʻyishga soʻz beraman”, — deydi Xorazm viloyati hokimi.

Shuningdek, u qator mansabdorlar shaxslarga chora koʻrilganini qoʻshimcha qildi.

Avvalroq Fargʻona viloyati hokimi Shuhrat Gʻaniyev Rishton tumaniga borib, mahalliy aholi bilan uchrashgani va tumanda olib borilgan buzilish ishlarida yoʻl qoʻyilgan xatolar uchun kechirim soʻragani xabar qilingan edi.

Eslatib oʻtamiz, Urganch shahridagi “Ashxobod” mahallasida yashovchi 400 ga yaqin xonadon ushbu hududda sanoat zonasi tashkil etilishi munosabati bilan Chondirqiyot qishlogʻiga koʻchirilgan edi. Oʻsha yerda aholi vaqtinchalik chodirlarda yashab kelayotgan edi. Vaʼda berilgan pullar bi necha oy davomida toʻlanmaganligi sababli 26 iyul kuni koʻchirilgan aholi norozilik namoyi sifatida “Urganch – Xonqa” yoʻlining qatnov qismini toʻsib qoʻyishgan edi.

Shavkat Mirziyoyev 2 avgust kuni boʻlib oʻtgan videoselektor yigʻilishida qurilish borasida sustkashlikka yoʻl qoʻygan va xalqning katta noroziligiga sabab boʻlayotgan rahbarlarni, jumladan, Fargʻona, Xorazm va Qashqadaryo viloyati hokimlarini qattiq tanqid ostiga olib, mamlakat obroʻsini nafaqat xalq, balki butun jahonga sharmanda qilayotganini qayd etib, xalqdan kechirim soʻrashlarini buyurdi.

Yana video

Asosiy mavzular