07:37 16 Sentyabr 2019
Efir
  • RUB142.96
  • EUR10360.56
  • USD9395.63
© Sputnik .

Rassom qizni u ayollarni yalangʻoch chizgani uchun qattiq tanqid qilishadi, lekin u ortga chekingani yoʻq

Rassom qiz chizgan suratlarni uning vatanida juda koʻplar tanqid qiladi, ammo shu bilan birga, undan suratini chizib berishni soʻrab, murojaat etuvchilar ham bisyor.

Bu rassom qizning ismi Maʼrifat Davlatova, u 26 yoshda. Maʼrifat Tojikistonda yashaydi. Jamoatchilik u haqda 2018-yilda, yaʼni Maʼrifat ilk marotaba Dushanbeda oʻz koʻrgazmasini oʻtkazganida xabar topgan edi. Oʻshanda u chizgan suratlar "ular mamlakat madaniy normalariga zid", degan maʼnoda koʻpchilik tomonidan qattiq tanqid qilingan edi. Shunday boʻlsa-da, Maʼrifatni qoʻllab-quvvatlaganlar ham topildi.

"Koʻrgazmadan keyin menga koʻplar murojaat qilgan edi, nafaqat Tojikiston, balki Qirgʻiziston, Qozogʻiston va Oʻzbekistondan ham. Ular menga: "Biz sening oldingga, Tojikistonga ham bora olamiz. Sen bizlarni qogʻozda koʻrsatishingni istaymiz", deb aytgandi. Mening maqsadim esa barchamizga singdirilgan ayol goʻzalligi haqidagi stereotiplar - safsata ekanligini koʻrsatish edi, xolos", - deydi rassom.

U shuningdek, ijodi protest emasligini, balki u shu tarzda ayollarga yordam berishni xohlashini taʼkidladi. Maʼrifatga murojaat etgan ayollarning soʻzlariga koʻra, aynan rassom qiz tufayli ular oʻzlarini haqiqatda goʻzal his eta boshlaganlar.

Yana video

Asosiy mavzular