07:41 24 Oktyabr 2019
Efir
  • RUB147.70
  • EUR10553.06
  • USD9448.53

Oʻzingizni bolakay Nilsdek his qiling - burgut qanotlari orasiga oʻrnatilgan kamera ajoyib manzalarlarni suratga oldi.

Olimlar suv burgutining (orlan) qanotlari orasiga kamera oʻrnatib uni Alp togʻlari ustidan uchirishdi. Xabarda aytilishiga koʻra, ushbu tajriba yordamida olimlar togʻ choʻqqilaridagi muzliklar qanday ahvolda ekanini tekshirmoqchi boʻlishgan.

Natijada olimlar Alp togʻlari chuqqisidagi muzliklar intensiv eriyotganining guvohi boʻlishdi. Xabarda aytilishiga koʻra, erish shu tezlikda ketaversa asr oxirida togʻda umuman qor qolmaydi. Sabab – global iqlim isishidir.

Shu bilan birga alp togʻlari ustidan qush parvozi balandiligida suratga olingan juda goʻzal manzaralarni tomosha qilish mumkin. Ushbu videoni tomosha qilgan kishi oʻzini qushlar yelkasida parvoz qilgan bolakay Nilsdek his qilsa ajab emas.  

Suv burguti (Orlan) – bu uzunligi 75-100 sm boʻlgan, suv qirgʻogʻiga yaqin hududlarida yashaydigan yirtqich qushdir. Suv burgutining oddiy burgutdan farqi – uning baliq bilan ozuqlanishida. Shu sabab suv burgutining panjalari patsiz boʻladi va ularda silliq oʻljani ushlab turishga moslashgan tishlari bor. Tashqi koʻrinishi ham oddiy burgutdan biroz farqlanadi – uning tumshugʻi kattaroq va dumi uchburchaksimon boʻladi.

Yana video

Asosiy mavzular