21:53 29 Sentyabr 2020
Efir
  • RUB132.07
  • EUR12003.57
  • USD10321.21

Belarus muammosini hal qilishni ularning oʻziga qoʻyib bering, oʻrtakashlik xizmatlariga oʻrin yoʻq, dedi Lavrov.  

Belarus masalasida Rossiya pozitsiyasini prezident Putin aniq va ravshan qilib aytib oʻtdi. Biz xalqaro huquq normalariga amal qilgan holda hamda Belarus Respublikasi va Rossiya Federatsiyasi orasidagi majburiyatlarga muvofiq harakat qilamiz.  

Biz, Belarus oʻz muammolarini, tashqaridan taʼsir oʻtkazmagan holda, oʻziga qoʻyib berilishini istaymiz. Hozir koʻplab davlatlarda, xususan Belarusga  qoʻshni boʻlgan va okean ortidagi AQSH va Kanada kabi davlatlarda ham mavjud vaziyatni hal qilishda qandaydir yondashuvlar taklif qilinmoqda.

Bizning fikrimizda bu yerda hech qanday oʻrtakashlik xizmatlariga ehtiyoj yoʻq. Belarus prezidenti konstitutsion reforma taklif qildi. Bizning umumiy xulosamizga koʻra, ushbu taklif fuqaro hamjamiyati bilan muloqot oʻrnatish, Belarus aholisini tashvishga solayotgan barcha masalalarni muhokama qilishga imkoniyat yaratdi, - dedi Lavrov.   

Eslatib oʻtamiz, Belarusda 9 avgust kuni boʻlib oʻtgan prezidenti saylovida Aleksandr Lukashenko 80 %, muxolifatchi Tixanovskaya 10 % ovoz toʻplagan edi. Shundan soʻng saylov natijalaridan norozi boʻlgan muxolifatchilar yangi saylovlar oʻtkazishni talab qilib, mamlakatda norozilik namoyishlari oʻtkaza boshladi.  Aleksandr Lukashenko yangi saylovlar faqat yangi konstitutsiya qabul qilinganidan soʻng oʻtkazilishini vaʼda berdi.

Polsha va AQSH Belarusdagi saylovlar natijasini tan olishini istamasligini, yangi saylovlar oʻtkazish kerakligi tarafdori boʻlishdi. Rossiya Belarus saylovlari natijalarini qabul qiligan edi. 

Yana video

Asosiy mavzular