Rossiya Mudofaa vazirligi Tu-22M3 bombardimonchilarining Murmansk viloyatiga parvozi aks etgan videoni YouTube kanaliga joylashtirdi.
Kadrlarda samolyotlar aerodromdan havoga ko‘tarilayotgani va g‘ira-shira yorug‘likda parvoz qilayotgani tasvirlangan.
“Mashg‘ulotlar vaqtida yosh zobitlar o‘zlarini samolyot boshqaruvchisi va samolyot komandiri yordamchilari sifatida sinab ko‘rishdi”, - deyilgan idora xabarida.
Tu-22M3 bombardimonchilari bir necha qurolli mojarolarda, jumladan, Suriyada ishtirok etgan. Ular X-32, X-15P kemaga qarshi qanotli raketalar va bombalarni tashishlari mumkin.
Bombardimonchilar parvozining maksimal tezligi soatiga 2,3 ming kilometr, uzoqqa ucha olish masofasi 6,8 ming kilometrni tashkil etadi.
