00:44 25 Fevral 2021
Efir
  • RUB141.09
  • EUR12773.52
  • USD10549.65
© Sputnik

Uzoq Sharqdagi tabiat qoʻriqxonasida bir necha yil oldin Rossiya prezidenti tabiat qoʻyniga chiqarib yuborgan yoʻlbarslar videoga olindi.

Rossiyaning Yevreysk avtonom viloyatidagi maxsus tabiat qoʻriqxonasida saqlanayotgan "prezident yoʻlbarslarning" yaqinda suratga olingan videosi paydo boʻldi. 

Eslatib oʻtamiz, 2013 yilda Uzoq Sharq hududidagi tayga oʻrmonida bir necha holsizlanib qolgan yoʻlbarschalar topib olingan edi. Ularga Ustin, Kuzya, Borya, Svetlaya va Ilona deb nom berishgan va bir necha oy davomida parvarish qilishgan edi.

Shundan soʻng, yoʻlbarslarning har biriga ularning joyini aniqlovchi boʻyinbogʻ taqilib tabiat qoʻyniga qoʻyib yuborilgan edi. 2014 yilda Amur viloyatiga tashrif buyurgan Rossiya prezidenti Vladimir Putin Kuzya, Borya va Ilona ismli yoʻlbarslarni tabiat qoʻyniga qoʻyib yuborishda shaxsan ishtirok etgan edi. Shundan soʻng ushbu besh nafar amur yoʻlbarslari OAVda "prezident yoʻlbarslari" deb atala boshlangan edi. 

Tabiatshunos olimlar yoʻlbarslar ortidan sputnik orqali kuzatib borishi natijasida, Kuzya va Ustin Rossiyadan Xitoyga oʻtib ketishganini va keyin yana qaytib kelganini aniqlashgan. Ilona ismli yoʻlbars esa - umuman koʻrinmay qolgan. 

Ushbu videotasvirlarda ancha katta boʻlib qolgan Svetlaya, Filippa va yana ikki yosh yoʻlbarslar aks etgan. Yevreysk avtonom viloyatidagi qoʻriqxonada jami 20ga yaqin yoʻlbarslar bor. 

Yana video

Asosiy mavzular