TOShKENT, 13 fev — Sputnik. Toki Suriya prezidenti Bashar Asad hukumatni boshqarishda davom etar ekan, Suriyadagi urushni to‘xtatishning iloji bo‘lmaydi, deb hisoblaydi AQSh davlat kotibi Jon Kerri.
13 Fevral 2016, 16:39
“Juda ko‘plab odamlar Asad Suriya hukumati tepasida qolsa, tinchlikka erishib bo‘lmasligi haqida gapirmoqda. Urush barham topishi uchun u prezidentlikdan ketishi kerak, aks holda biz tinchlik o‘rnata olmaymiz” — dedi Kerri, Munxenda bo‘lib o‘tgan xavfsizlik bo‘yicha anjumanda nutq so‘zlar ekan.
Eslatib o‘tamiz, joriy yil 12-14 fevral kunlari Munxenda xavfsizlik bo‘yicha an’anaviy anjuman o‘tkazilmoqda. Bu yil anjuman ishtirokchilari o‘rtasida Suriyadagi urush va migratsiyaga oid inqiroz masalalari muhokama qilinmoqda.
