TOShKENT, 24 mar — Sputnik. Rossiya TIV rasmiy vakili Mariya Zaxarova Sergey Lavrov va Jon Kerri uchrashuvi tafsilotlari bilan o‘rtoqlashdi. Zaxarovaning so‘zlariga qaraganda, suhbat avvalida AQSh Davlat kotibi Rossiya Tashqi ishlar vazirini tavallud ayyomi bilan muborakbod etgan.
"Bugungi suhbatimiz muvaffaqiyatli bo‘ladi, deb umid qilaman. Shu fursatdan foydalanib, seni tug‘ilgan kuning bilan tabriklamoqchiman. Bu sana senga ushbu muzokaralarni olib borish uchun qo‘shimcha donolik bag‘ishlaydi, deb umid qilaman. 39 yosh uchun ko‘rinishing juda binoyi", — dedi Kerri.
Rossiya va AQSh diplomatiya rahbarlari shundan so‘ng o‘zaro hazil-huzul qildilar. “Rahmat, Djon, ammo, agar donolik tug‘ilgan kunlar soni bilan o‘lchanadigan bo‘lsa, seni quvib ham yetolmasligim aniq",- dedi Lavrov.
Lavrov tomonidan aytilgan so‘zlar delegatsiya orasida kulgi uyg‘otdi. "Muhimi, o‘zingdan kattani hurmat qilsang, bo‘lgani",- bo‘sh kelmadi Kerri.
Rossiya Tashqi ishlar vaziri Lavrov 21-mart kuni 66 yoshni qarshi oldi, Djon Kerri esa o‘tgan yil so‘ngida 72 yoshga to‘ldi.
Kerri Rossiya poytaxti Moskva shahriga kuni kecha ikki kunlik safar bilan keldi. Shu yil hisobidan Kerri uchinchi bor Rossiyaga tashrif buyurmoqda.
