TOShKENT, 24-iyun — Sputnik. Donald Tramp Yevropa Ittifoqiga a’zolikdan chiqish borasida Britaniyada o‘tkazilgan referendum uning o‘zi va Rossiya prezidenti Vladimir Putin uchun qay darajada ahamiyat kasb etishi haqida gapirdi, deb xabar qilmoqda RIA Novosti axborot agentligi.
Jumladan, RT telekanaliga bergan intervyusida milliarder quyidagicha ta’kidlagan: "Men va Putinning “Breksit”dan eng ko‘p foyda olishiga kelsak, nima desam ekan… Putin janoblari “Breksit”dan naf ko‘rishi mumkin, garchi unchalik ko‘p bo‘lmasa ham. Axir u kishi YeIga gina saqlagan”, — deb ta’kidlagan Tramp.
Amerikalik milliarderning fikricha, Vladimir Putin, shuningdek, AQSh prezidentini ham “unchalik yoqtirmaydi” va bu borada u yolg‘iz emas.
Eslatib o‘tamiz, payshanba kuni Buyuk Britaniyada mamlakatning YeIdan chiqishi bo‘yicha referendum o‘tkazilgan edi. “Breksit” tarafdorlari g‘alaba qozondi: Yevropa Ittifoqidan chiqish uchun mamlakatning 51,8 foiz aholisi ovoz berdi.
