"Islom davlati" jallodi - Koti AQSh sanksiyalar ro‘yxatiga kiritildi

© AP Photo / Hadi MizbanIslom davlati jangarilari
Islom davlati jangarilari - Sputnik O‘zbekiston
Obuna bo‘lish
AQSh ilgari surayotgan taxminlarga ko‘ra, Koti yetti nafar chet el fuqarolarini, shu jumladan, amerikalik jurnalistlar Jeyms Fouli va Stiven Sotloff, shuningdek, amerikalik Piter Kessiglarni tutqunlikda ushlab turgan va ularning qatlida shaxsan ishtirok etgan

TOShKENT, 10 yanv — Sputnik, Aleksey Bogdanovskiy. Amerika Qo‘shma Shtatlari "Islom davlati" terrorchilik uyushmasi tomonidan uyushtirilgan qatllarda qatnashgan Buyuk Britaniya fuqarosi Aleksand Emon Koti (Alexanda Amon Kotey)ni sanksiyalar ro‘yxatiga kiritdi, deb xabar qildi seshanba kuni AQSh Davlat departamenti. RIA Novosti xabari asosida.

Turkiya politsiyasi - Sputnik O‘zbekiston
"ID" "Rossiyaning otib o‘ldiriladigan diplomatlari ro‘yxati"ni e’lon qildi
"Buyuk Britaniya fuqarosi — Koti qatllar ijrosi bilan shug‘ullanuvchi 4 kishidan iborat jinoiy guruh a’zosihisoblanadi", — deyiladi AQSh Davlat Departementi xabarida. "Bitlz" deya ataluvchi jallodlar guruhining yana bir a’zosi — "Jihodchi Jon" (haqiqiy ismi Muhammad Emvazi) ham Buyuk Britaniya fuqarosi bo‘lib, u 2015-yilning oxirida Suriyada Amerika uchuvchisiz parvoz qurilmalari yordamida yo‘q qilingan edi.

AQSh tomonidan ilgari surilayotgan taxminlarga ko‘ra, Koti yetti nafar chet el fuqarolarini, shu jumladan, amerikalik jurnalistlar Jeyms Fouli va Stiven Sotloff, shuningdek, amerikalik Piter Kessiglarni tutqunlikda ushlab turgan va ularning qatlida shaxsan ishtirok etgan. Koti, shuningdek, jangarilarni "ID" safiga chorlash bilan shug‘ullangan, deb xabar qilmoqda AQSh Davlat Departamenti.

2015 yildan buyon Indoneziyada faoliyat yurituvchi hamda "ID" rahbari Abu Bakr al-Bag‘dodiyga sodiqligi haqida e’lon qilgan "Jamaa Ansharut Daula" ekstremistik guruhi ham AQSh sanksiyalar ro‘yxatiga kiritilgan.

Yangiliklar lentasi
0