Donald Tramp prezident bo‘lgani sharafiga Melaniya bilan raqs tushdi

© REUTERS / Carlo AllegriDonald Tramp rafiqasi Melaniya bilan
Donald Tramp rafiqasi Melaniya bilan - Sputnik O‘zbekiston
Obuna bo‘lish
AQShning yangi prezidenti Donald Tramp rafiqasi Melaniya bilan qasamod sharafiga uyushtirilgan balda prezident sifatida ilk raqsni ijro etdi

TOShKENT, 21 yanv — Sputnik. Donald Tramp prezident sifatida o‘zining ilk raqsini ijro etdi, deb xabar qilmoqda RIA Novosti.

Xabarda aytilishicha, qasamod sharafiga uyushtirilgan balda Tramp sahna ortidan Melaniya bilan qo‘l ushlashgan holatda chiqib kelgan. Endilikda Amerikaning birinchi xonimiga aylangan Melaniya yelkalari ochiq, uzun qaymoqrang libosda bo‘lgan.

​Obama bilan choyxo‘rlik qilish uchun moviyrang libos tanlagan Melaniya allaqachon ommaning olqishiga sazovor bo‘lgan edi. Sababi, libos ayolga juda yarashgan, va Trampning qasamod tadbirini tomosha qilish uchun kelgan xaloyiq "Nahotki, shu Melaniya bo‘lsa" deya ko‘zlariga ishonishmagan edi.

Tramp avvaliga ko‘pminglik auditoriya oldida qisqa nutq so‘zlagan. "Biz buni uddaladik!", deb aytgan va navbatdagi bor Amerikani "yana qudratli davlatga aylantirish" va’dasini bergan. Shundan so‘ng rafiqasiga yuzlanib, "agar men bilan raqs tushsangiz, katta iltifot ko‘rsatgan bo‘lardingiz", deb aytgan. Bal translyatsiyasi Fox News telekanali tomonidan amalga oshirilgan.

Yangiliklar lentasi
0