TOShKENT, 2 fev — Sputnik. Rossiya prezidenti Vladimir Putin Rossiya FVV, IIV va Tergov qo‘mitasida faoliyat yuritgan 16 nafar generalni ishdan bo‘shatish haqidagi farmonga imzo chekdi.
Generallardan ikki nafari harbiy xizmatdan ketishi ma’lum qilinmoqda.
Putin, shuningdek, Qrim yarim oroliga Kamshilov Oleg Anatolyevichni prokuror etib tayinlagan.
Yoppasiga kadrlar o‘zgarishi sabablari ma’lum qilinmayapti.
Eslatib o‘tamiz, o‘tgan yilning iyul oyi oxirlarida Rossiya hukumati shov-shuvli kadrlar o‘zgarishini boshdan kechirgan edi. Mamlakat rahbari o‘shanda eng yuqori lavozimlarni egallab turgan 14 nafar amaldorlarni iste’foga chiqargan edi.
