TOShKENT, 27 fev — Sputnik. Rossiya Tojikistonda rus tilida ta’lim beriladigan 20ga yaqin maktablarni qurishni rejalashtirapti, deb xabar qildi jurnalistlarga Rossiyaning birinchi vitse-premyeri Igor Shuvalov ikki mamlakat prezidentlari o‘rtasida bo‘lib o‘tgan muzokaralar yakuni bo‘yicha. RIA Novosti xabari asosida.
"Biz ta’lim rus tilida olib boriladigan maktablar qurilishi bilan bog‘liq loyihalarni muhokama qildik. Prezident hukumatga ushbu masalani ishlab chiqish yuzasidan topshiriqlarni berdi. Tojikistonda maktablar qurilishi kelasi yildan boshlanishi taxmin qilinmoqda", — degan Shuvalov.
Xabarda ta’kidlanishicha, Rossiya maktablar qurilishi uchun sarmoya kiritadi, ta’lim dargohlari ta’minoti esa Tojikistonning o‘zining zimmasida bo‘ladi.
Shuvalovga ko‘ra, investitsiyalar hajmi hozircha noaniq.
Sal oldin Tojikiston yetakchisi Emomali Rahmon ikki mamlakat o‘rtasida ta’lim sohasidagi hamkorlikni kengaytirish bo‘yicha taklif kiritgan. Putin Emomali Rahmonning taklifini ko‘rib chiqishga tayyorligini bildirgan.
