TOShKENT, 22 mar — Sputnik. Ukraina Oliy radasi AQSh Kongressiga murojaat qilib, Kiyevga NATOdan tashqari AQShning asosiy ittifoqdoshi maqomini berish masalasini ko‘rib chiqishni va mudofaa bitimini tuzishni so‘radi, deb xabar qildi RIA Novosti.
Hujjatda "tinchlik holatidagi" Avstraliya, Yangi Zelandiya, Yaponiya hamda "harbiy harakatlar xavfi ostida bo‘lgan" Janubiy Koreya, Afg‘oniston va Isroil davlatlari AQShning NATOdan tashqaridagi ittifoqdoshi maqomiga egaligi ta’kidlangan.
Hujjatda, shuningdek, Ukrainaga bunday maqom berilishi, Kiyev ta’biri bilan aytganda, "Rossiya tajovuzkorligi"ga nuqta qo‘yishda muhim ahamiyat kasb etishi ta’kidlangan.
Ukrainaning NATOga a’zo bo‘lishi masalasidan farqli o‘laroq, NATOdan tashqaridagi asosiy ittifoqdosh maqomi berilishi masalasi AQShning suveren huquqi bo‘lib, bu uchun alyansga a’zo mamlakatlar roziligi talab etilmaydi.
