"Islom davlati"ga qarshi butun musulmon dunyosi kurashishi kerak - Atambayev

© Sputnik / Mixail Klimentyev / Mediabankka o‘tishQirg‘iziston prezidenti Almazbek Atambayev
Qirg‘iziston prezidenti Almazbek Atambayev - Sputnik O‘zbekiston
Obuna bo‘lish
Atambayevning aytishicha, agar G‘arb bugungi kunda u yoki bu davlatga o‘z tartib-qoidalarini singdirishga harakat qilmasa ko‘ngildagidek bo‘lur edi

TOShKENT, 12 apr — Sputnik. "Islom davlati" yo‘q qilinadigan taqdirda, uning o‘rniga yangi terrorchilik uyushmasi paydo bo‘ladi, shu bois islomiy davlatlar o‘z aholisiga taraqqiyotning muqobil variantini taklif qilishlari lozim, deb ta’kidladi Qirg‘iziston prezidenti Almazbek Atambayev "Mir" teleradiokompaniyasiga bergan intervyusida.

Rossiya prezidenti Vladimir Putin - Sputnik O‘zbekiston
Putin Rossiya va ODKB davlatlarida "rangli inqiloblar"ga yo‘l qo‘ymasligini aytdi
"Bu masala global yondashuvni talab qiladi. Eng birinchi navbatda, musulmon dunyosining o‘zida bu g‘oyaga qarshi kurashishlariga erishish lozim. Bir-ikki yilda "ID"ni yo‘q qilish mumkin, ammo o‘ylashimcha, uning o‘rniga boshqa allaqanday uyushma paydo bo‘ladi. Nega deganda, bugun islomiy mamlakatlarda odamlarda boshqa tanlov yo‘qligining guvohi bo‘lib turibmiz: bir tomondan o‘sha davlatlarda, faqat o‘zi boyishni ko‘zlagan allaqanday monarxiya yoki avtoritar rejim hukm surayotgan bo‘ladi, boshqa tomondan esa islomiy sotsializm yoki umumiy tenglik g‘oyasini taklif qilayotgan ID islom xalifaligi ko‘rinish berayotgan bo‘ladi", — deb qayd etgan Atambayev.

"Biz bugungi kungacha G‘arb odamlarning mentalitetini, u yoki bu davlat sivilizatsiyaning qaysi bosqichida turganini hisobga olmagan holda o‘z tartiblari, qadriyatlarini singdirishga harakat qilayotganini kuzatmoqdamiz. Iroq, Suriya va Liviyada bugungi ahvol mana shu suqilish natijasidir. Mening fikrimcha, hech kim u yoki bu davlatga o‘z qarashlarini singdirishga harakat qilmasa yaxshi bo‘lur edi. Har bir davlat birinchi navbatda o‘zining muammolari bilan shug‘ullanmog‘i lozim", — deya fikr bildirgan Atambayev.

Yangiliklar lentasi
0