TOShKENT, 3-may — Sputnik. AQSh, Yaponiya va Janubiy Koreya Mudofaa mahkamalari Shimoliy Koreya bo‘yicha majlis o‘tkazishdi. Tadbir teleanjuman rejimida o‘tgan, deb xabar qilmoqda RIA Novosti.
Xabarda ta’kidlanishicha, bu haqda Pentagon bayonotida aytilgan. Majlis dushanba kuni o‘tkazilgan, deb aniqlik kiritgan Pentagondagilar.
"AQSh Janubiy Koreya va Yaponiya xavfsizligi borasidagi pozitsiyasi qat’iyligini tasdiqladi", — deyilgan Pentagon bayonotida.
Eslatib o‘tamiz, o‘tgan hafta oxirida BMT Xavfsizlik kengashi KXDR bo‘yicha maxsus kengash o‘tkazgach, oradan bir necha soat o‘tib Shimoliy Koreya navbatdagi ballistik raketani sinovdan o‘tkazdi. Kengash davomida AQSh KXDR izolyatsiyasini kuchaytirish zarurati haqida gapirib, hozirda amalda bo‘lgan sanksiyalarni kuchaytirishga va yangi cheklovlar kiritishga tayyorligini qo‘shimcha qilgan, Janubiy Koreya esa mana shunday provokatsiyaga oid harakatlari bilan KXDR BMT a’zosi bo‘lib qolishi mumkinligi haqida o‘ylab ko‘rishni taklif qilgan.
Sal oldin AQSh prezidenti Donald Tramp Blumberg agentligiga bergan intervyusida KXDR yetakchisi bilan uchrashishga tayyorligini ma’lum qilgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
