TOShKENT, 24 avg — Sputnik. AQSh prezidenti Donald Tramp ma’muriyati 4 ta davlat fuqarolariga viza berish bo‘yicha cheklovlarni joriy qilmoqchi, deb xabar qildi RIA Novosti.
Bu boradagi taklif AQSh Davlat departamentiga ko‘rib chiqish uchun taqdim etilgan.
Bu cheklovlarni Vashington bilan deportatsiya sohasida hamkorlik qilishni rad etib kelayotgan, AQShdan chiqarib yuborilganlarni qabul qilmayotgan yoki ushbu jarayon muddatlarini cho‘zib kelayotgan davlatlarga nisbatan qo‘llash rejalashtirilmoqda.
"Bugungi kunda Bosh kotib ushbu davlat vakillari bilan muzokaralar o‘tkazmoqda. Bizning talablarimizga bo‘ysunib, o‘z fuqarolarini olib ketishlarini istaymiz" — deb ta’kidladi Davlat departamenti vakili.
Shuningdek, The Washington Times ma’lumotlariga ko‘ra, bu Kambodja, Eritreya, Gvineya va Syerra-Leon davlatlari haqida fikr bildirilmoqda.
Eslatib o‘tamiz, bir kun avval AQSh hukumati rossiyaliklarga migratsiya vizalarni berishni to‘xtatgan edi. Bu jarayon 1-sentabrdan qayta tiklanadi. Ammo endilikda vizalarni faqat Moskvada AQSh elchixonasida olish mumkin bo‘ladi. Ilgari vizalarni AQShning Sankt-Peterburg, Yekaterinburg va Vladivostokdagi konsullik vakolatxonalar tomonidan berilishi mumkin edi.
