Erdo‘g‘on: musulmon birodarlarimiz Myanmada o‘ta shavqatsiz munosabatlarga duch kelishmoqda

© AFP / ADEM ALTANTurkiya prezidenti Rajab Toyib Erdo‘g‘on
Turkiya prezidenti Rajab Toyib Erdo‘g‘on - Sputnik O‘zbekiston
Obuna bo‘lish
Turkiya prezidenti IHT ishtirokchi davlatlarini hamjihatlikda Myanma musulmonlariga yordam berishga chaqirdi

TOShKENT, 10 sen — Sputnik. Turkiya prezidenti Rajab Toyib Erdo‘g‘on Ostonada bo‘lib o‘tayotgan Islom hamkorlik tashkiloti sammiti davomida Myanmadagi vaziyat masalasini ko‘tardi, deb xabar qilmoqda Sputnik Qozog‘iston.

Musulmonlar - Sputnik O‘zbekiston
Nazarboyev: islomiy jamiyat murakkab sinovlarga duch kelmoqda
"Afsuski, musulmonlar butun dunyoda qiyinchiliklarni boshdan kechirishmoqda. Biz, albatta, birdamlik va hamkorlikni kuchaytirish, bu murakkab vaziyatdan chiqib ketish uchun bor g‘ayratimizni, bor harakatimizni ishga solmog‘imiz kerak", — deb aytgan Erdo‘g‘on sammitda.

"Myanmada bizning musulmon birodarlarimiz o‘ta shavqatsiz munosabatlarga duch kelishmoqda, ularni o‘z uylarini tark etishga majbur qilishmoqda. Biz ularga nisbatan bo‘layotgan bu adolatsiz munosabatga barham berish uchun bor kuchimizni ishga solishimiz kerak. Ushbu insoniyat dramasining oldini olish maqsadida, biz Myanma va Bangladesh hukumati bilan birgalikda ish olib bormoqchimiz", — deb qo‘shimcha qilgan Erdo‘g‘on.

Turkiya prezidenti Bangladeshda boshpana izlayotgan musulmonlar ham yordamga muhtojligini qayd etib o‘tgan.

"Biz Bangladesh hukumatiga bu borada yordam berish istagimizni ma’lum qildik", — deya xotima qilgan Turkiya prezidenti.

Bejensi peresekayut granitsu Bangladesh-Myanma - Sputnik O‘zbekiston
BMT jamg‘armasi myanmalik qochqinlarga yordam berish maqsadida 7 million dollar ajratadi
Myanma harbiylari va xavfsizlik kuchlari avgust oyi oxiridan buyon Rakxayn shtatida islom jangrilariga qarshi operatsiyalarni amalga oshirib kelishmoqda. Ushbu operatsiya 25-avgust kuni roxinja-jangarilari Rakxayn shtatida bir nechta politsiyachilar postlariga va armiya kazarmalariga muvofiqlashtirilgan hujumlarni amalga oshirganidan so‘ng boshlanib ketgan. Hodisa oqibatida 400 kishi halok bo‘lgan. Turli ma’lumotlarga ko‘ra, Bangladeshga 146 mingdan 300 ming nafargacha odam qochib o‘tgan.

Yakshanba kuni Ostona shahrida fan va texnologiyalar mavzusida IHT sammiti boshlandi. Tadbirda IHTning 56 ishtirokchi-davlatlari, shuningdek, xalqaro va mintaqaviy tashkilotlar qatnashishmoqda. O‘zbekiston prezidenti Shavkat Mirziyoyev ham ushbu sammitda ishtirok etish uchun kuni kecha Ostonaga jo‘nab ketdi.

Yangiliklar lentasi
0