TOShKENT, 5 fev — Sputnik. Janubiy Koreya yetakchisi Mun Chje In KXDR rasmiy rahbari Kim Yon Nam bilan uchrashadi, deb xabar qildi RIA Novosti.
"Janubiy Koreya rahbari Mun Chje In Pxenchxanda bo‘lib o‘tadigan Olimpiada ochilish marosimiga tashrif buyuradigan KXDR rasmiy rahbari Kim Yon Nam bilan tor doirada suhbat qurishi muhokama qilinmoqda", — deb xabar qilgan janubiy koreya Korea Times nashri prezident ma’muriyatiga tayangan holda.
Janubiy Koreya ma’muriyati vakili Kim Iy Gom shimoliy koreya delegatsiyasining kutilayotgan tashrifini Pxenyanning janubiy qo‘shni bilan munosabatlarni yaxshilashga doir irodasi namoyishi sifatida baholadi.
Shu bilan birga ma’muriyat vakillari KXDR bilan yuqori aloqadagi muzokalarga tayyorligini qayd etib o‘tishgan.
Ilgariroq Shimoliy Koreya Janubiy Koreyaning Pxenchxan shahrida o‘tkaziladigan Olimpiadaga mamlakat delegatsiyasi parlament raisi, mamlakatning rasmiy rahbari Kim Yon Nam rahbarligi ostida borishini rasman tasdiqlagan edi. Konstitutsiya bo‘yicha KIM Yon Nam KXDR rahbari lavozimini egallaydi, mamlakat yetakchisi Kim Chen In esa Shimoliy Koreyaning oliy rahbari hisoblanadi.
Pxenchxandagi Olimpiada o‘yinlari 9-25 fevral sanalarida bo‘lib o‘tadi. Unda Shimoliy Koreyadan sportchilar ishtirok etadi.