12:44 20 Fevral 2018
Efir
Informator WADA — eks-rukovoditel Moskovskoy antidopingovoy laboratorii Grigoriy Rodchenkov

Sotqin Rodchenkov yuzini almashtirib televizorga chiqdi

© Sputnik/ Valeriy Melnikov
Dunyoda
Havola olish
156301

Uning yuz qiyofasi shunchalik oʻzgarganki, aslida ekrandagi odam Rodchenkovmi yo boshqa kishi ekanligini hech kim ayta olmaydi.

TOSHKENT, 11 fev – Sputnik. Rossiya jamoasini qishgi olimpiada oʻyinlaridan mahrum qilgan, Rossiya “Antidoping markazi” sobiq direktori, hozirda qochqin Grigoriy Rodchenkov yuz qiyofasin oʻzgartirib teleefirda intervyu berdi, deb yozadi Sputnik Armeniya.

Bugun 11 fevral kuni AQShning CBS telekanali Rossiya olimpiya jamoasiga qarshi jarayonlarda WADAning asosiy “axborot manbai” boʻlgan Rodchenkov bilan intervyu namoyish qilishni rejalashtirgan. Oʻtgan payshanba kuni telekanalda ushbu intevyudan anons namoyish qilindi, deyilgan xabarda.

Anonsda Rodchenkovga unchalik oʻxshamagan kishi bronejilet kiyib studiyaga chiqishi va boshlovchi bilan suhbat qurishi namoyish etilgan. Bronjilet nima kerak desangiz – u  Rossiya maxsus xizmatlari undan qasos olishidan  qoʻrqar emish. Guyoki Rossiya agentlari uni telekanal studiyasida kutib turgandek…

Eslatib oʻtamiz, Grigoriy Rodchenkov – kimyo sohasi olimi, Rossiya “Antidoping markazi” sobiq direktori. Bir necha yil oldin u Rossiyadan AQShga qochib ketgan. U bergan koʻrsatmalariga asosan  Rossiya yengil atletika jamoasi RIO yozgi Olimpiada oʻyinlariga ishtirok etishi taʼqiqlangan edi. Bir necha oy oldin esa, Rodchenkov koʻrsatmalariga asosan, butun Rossiya jamoasi Pxenchandagi qishgi Olimpiada oʻyinlarida ishtirok etishi ham taʼqiqlandi.

Rossiya tomon fikriga koʻra, ushbu taʼqiqlar siyosiy maʼnoga ega boʻlib, WADA ham XOQ ham yetarli darajada aniq dalil va isbotlar keltira olishmagan. Ushbu ish yuzasidan Rossiya Olimpiya qoʻmitasi bir necha bor xalqaro sudlarga murojaat qildi. Ayni damda tergov surishtirish ishlari olib borilmoqda.

“Ushbu vaziyatda, bir necha oydan beri oʻzini koʻrsatmagan Rodchenkov birdan teleekranlarda paydo boʻlishi oʻta taajubli hol”, — deb yozadi Ruben Gyulmisaryan.

Birinchidan, juda muhim boʻlgan sud majlisiga, guyoki xavfsizlik sababidan kela olmagan Rodchenkov, nima sababdan teleekranga chiqishga qaror qildi?

Ikkinchidan, oʻzini hech kim topa olmasligi uchun yuz qiyofasini tanib boʻlmas darajada oʻzgartirgan odam, nega yangi yuzini keng ommaga namoyish qiladi?

Uchinchidan, Bu odam oʻzi Rodchenkovmi yo boshqa kishi?

Muallif xulosasiga koʻra, ayni damda Rodchenkovning oʻlimi Rossiyaga umuman kerak emas, chunki u qilar ishini qilib boʻldi. Lekin u tirik boʻla turib necha pul evaziga yolgʻon koʻrsatmalar berganini aytib bersa va aytgan soʻzlaridan voz kechsa — ana unda WADAning ham XOQning ham holi voy boʻlar edi. Shuning uchun imi jimida, Rodchenkovni yoʻq qilish aynan uni sotib oliganlarga kerak, deb xulosa qiladi muallif.

“Grisha qayerdasan? Senga biror kor-hol boʻlmadimi ishqilib…”, — deb maqolasini tugatgan Gyulmisaryan.

Asosiy mavzular