15:20 06 Dekabr 2019
Efir
  • RUB147.79
  • EUR10476.36
  • USD9510.99
Flagi stran-uchastnits konferentsii

Afgʻonistonga bagʻishlangan yuqori darajali Toshkent anjumani

Sputnik / Ramiz Baxtiyarov
Dunyoda
Havola olish
Afgʻoniston boʻyicha yuqori darajali Toshkent xalqaro anjumani (41)
45420

Mart oyining oxirida Toshkentda oʻnlab davlatlar va nufuzli xalqaro tashkilolar vakillari Afgʻonistonda tinchlik jarayonini boshlash uchun jamlanishadi.

TOSHKENT,  5 mar – Sputnik. Afgʻoniston boʻyicha “Tinchlik jarayoni, xavfsizlik sohasida hamkorlik va mintaqaviy sherikchilik” nomli yuqori darajali Toshkent xalqaro anjumani 26-27 mart kunlari boʻlib oʻtadi, deb xabar qilmoqda Oʻzbekiston Tashqi ishlar vazirligi matbuot xizmati.

Xabarda aytilishiga koʻra, ushbu anjuman mantaqada xavfsizlik oʻrnatish boʻyicha Oʻzbekiston rahbariyati tomonidan ishlab chiqilgan umumiy strategiyasining ajralmas qismi hisoblanadi.

Oʻzbekiston Afgʻonistonda tinchlik oʻrnatishga qaratilgan barcha xalqaro forumlarda ishtirok etib kelmoqda. Ular orasida “Qobul jarayoni”, “Moskva formati”, “Osiyo yuragi – Istambul jarayoni”, Afgʻoniston boʻyicha xalqaro aloqa guruhi, “SHHT-Afgʻoniston” aloqa guruhi, Mintaqaviy iqtisodiy hamkorlik anjumani (REKKA).

Nyu Yorkda ushbu yilning 19 yanvarida boʻlib oʻtgan BMT Xavfsizlik kengashi doirasida Oʻzbekiston va Afgʻoniston tomonidan Toshkent forumining taqdimoti boʻlib oʻtgan edi.

Toshkent anjumani “Qobul jarayoni”ning ikkini bosqichidan keyin boʻlib oʻtadi va xalqaro hamjamiyatning Afgʻonistonda tinchlik va barqarorlik oʻrnatishga qaratilgan sʼay-harakatlarining mantiqiy davomiga aylanadi.

Anjuman ochilishmarosimida Oʻzbekiston prezidenti Shavkat Mirziyoyev va Islom Afgʻon respublikasi prezidenti Ashraf Gʻani nutq soʻzlaydilar.

Toshkent anjumanidan ishtirok etish uchun BMT Bosh kotibi Antoniu Guterresh va tashkilotning Afgʻoniston boʻyicha maxsus vakili Tadamiti Yamamoto, YEIning xorijiy ishlar, siyosat va xavfsizlik boʻyicha oliy vakili Federika Mogerini, shuningdek Xitoy, Rossiya, AQSH, Buyuk Britaniya, Germaniya, Italiya, Frantsiya, Turkiya, Hindiston, Eron, Pokiston, Qozogʻiston, Qirgʻiziston, Tojikiston, Turkmaniston, Saudiya Arabistoni va BAA tashqi ishlar vazirlari taklif qilingan.

Anjmuan ishtirokchilari, Afgʻoniston hukumati va “Tolibon” orasida, hech qanday dastlabki shartlar qoʻymasdan, tinchlik oʻrnatish muzokaralarini imkon qadar tezroq boshlash borasida — bir ovozdan, yakdil fikr bildirishlari kutilmoqda.

Anjuman yakunlariga koʻra Toshkent deklaratsiyasini qabul qlish rejalashtirilgan. Deklaratsiyaga quyidagilar kiritilishi kutilmoqda:

  • birinchidan, tinchlik jarayoni BMT Xavfsizlik kengashi Bosh assambleyasi  rezolyutsiyalariga muvofiq ravishda, afgʻonistonliklarning oʻz kuchlari rahbarligida boʻlib oʻtishi kerak;
  • ikkinchidan, qurollangan muxolifat kuchlarini Afgʻoniston siyosiy hayotiga qonuniy siyosiy kuch sifatida kiritilishi, tinchlik oʻrnatish jarayonining muhim kafolati sifatida qabul qilinadi;
  • uchinchidan, xalqaro hamjamiyat terrorchilikning har qanday koʻrinishiga, ularni farqlamasdan, qarshi chiqadi va xalqaro terrorchilik, narkotik moddalar tashib oʻtish Afgʻoniston uchun ham, mintaqa uchun ham butun dunyo uchun ham katta xavf tugʻdiradi;

Toshkent anjumani arafasida, “Markaziy Osiyo + Afgʻoniston”  (S5+1)  yangi formatdagi anjumanning birinchi majlisi boʻlib oʻtadi. Ushbu anjuman faoliyati Afgʻonistonni Oʻrta Osiyo mamlakatlari savdo-iqtisodiy va infratuzilmaviy munosabatlari tizimiga muvaffaqiyatli kirib kelishiga xizmat qiladi. Shuningdek, umummintaqaviy loyihalarni muvaffaqiyatli amalga oshirishga xizmat qiladi.

Toshkent anjumanini tashkil qilish tashabbusi bilan chiqqan Oʻzbekiston, uni bir marotabalik tadbir sifatida qoldirishni niyat qilmagan. Respublika kelajakda ham Afgʻonistonda siyosiy tinchlik oʻrnatishga qaratilgan ikki tomonlama va koʻp tomonlama tadbirlar oʻtkazishni rejalashtirgan.

Toshkent anjumani oldidan turgan oliy maqsadlar, shuningdek unining faoliyatida BMT Xavfsizlik kengashiga aʼzo davlatlarning barchasi, SHHTdavlatari va Afgʻonistonga qoʻshni boʻlgan mamlakatlarning barchasi ishtirok etishi – butun dunyoda ushbu forumga boʻlgan qiziqishni yanada ortirrmoqda. Anjumanni yoritish uchun butun dunyodan  koʻplab OAVlar vakillari kelishi kutilmoqda.

Anjuman tashkilotchilari ushbu tadbir Afgʻoniston barqarorlashuvi, rivojlanishi uchun mustahkam asos yaratilishiga, afgʻon xalqining farovonligini oshirishiga xizmat qilishiga umid qilmoqdalar.

Mavzu:
Afgʻoniston boʻyicha yuqori darajali Toshkent xalqaro anjumani (41)

Asosiy mavzular