03:52 23 Iyun 2018
Efir
  • RUB124.89
  • EUR9150.95
  • USD7883.99
Prezident RF V. Putin na sammite SHOS v Kitaye. Den vtoroy

Putin: SHHTning asosiy maqsadi - terrorchilikka qarshi kurashdir

© Sputnik / Sergey Guneyev
Dunyoda
Havola olish
Tsindaoda SHHT sammiti (14)
43202

Putin: SHHT doirasida hamkorlikning asosiy yoʻnalishi – bu terrorchilikka qarshi kurashdir. Iqtisodiy hamkorlik uchun yangi tashkilot tuziladi. Rossiya va Xitoy ayni damda ushbu shartnomani ishlab chiqmoqda.

TOSHKENT, 10 may — Sputnik. Rossiya prezidenti Vladir Putin, SHHTdoirasida hamkorlikning asosiy yoʻnalishi terrorchilikka qarshi kurash ekanini aytib oʻtdi.  

"Shuni alohida taʼkidlamoqchi edimki, SHHT doirasida hamkorlikning asosiy yoʻnalishi — bu terrorchilikka qarshi kurashdir. Bugungi kunda qabul qilinayotgan, terrorchilik, separatizm va ekstremizmga qarshi kurash dasturi — ushbu sohada hamkorlikning kelajak 3 yildagi yoʻnalishlarini belgilaydi, birgalikda oʻquv-mashgʻulotlari, aksilterror operatsiyalar oʻtkazishni hamda operativ maʼlumot bilan tezkor almashish imkonini yaratadi", — dedi Putin.

Bu borada, Rossiya prezidenti Afgʻoniston masalasida alohida toʻxtalib oʻtdi.

"Afgʻonistondagi vaziyat alohida eʼtibor talab qiladi. Biz ushbu mamlakatdan tarqalayotgan terrorchilik xavfi va narkotiklar ishlab chiqarishga qarshi birgalikda kurashishimizga kerak. Afgʻonistonga milliy yarashish va iqtisodiy qayta tiqlanishiga yordam berishimiz kerak", — dedi Vladimir Putin.

SHHT mamlakatlari iqtisodiy hamkorligi uchun yangi tashkilot tuziladi

Vladimir Putin SHHTning iqtisodiy davomchisi boʻlishi mumkin boʻlgan yangi "yevroosiyo iqtisodiy hamkorligi shartnomasi" haqida toʻxtalib oʻtdi.

"Rossiya va Xitoy yevroosiyo iqtisodiy hamkorligi haqida shartnoma tayyorlashmoqda. Ushbu shartnoma, albatta, SHHTning barcha aʼzolari uchun ochiq boʻladi", — dedi Vladimir Putin.

8 iyun kuni Pekinda Rossiya prezidenti va XXR raisi Si Tszinpin uchrashuvi boʻlib oʻtgan edi. Unda ikki mamlakatning iqtisodiyot vazirliklari ushbu shartnomaning texnik-iqtisodiy tomondan asoslab berishgan edi.

"Biz oʻzaro mahsulot ayrboshlash va xizmat koʻrsatishni soddalashtirmoqdamiz, ortiqcha maʼmuriy toʻsiqlarni olib tashlamoqdamiz, energetika, transport, qishloq xoʻjaligida birgalikda loyihalar ishga tushirmoqdamiz", — dedi Putin.

Eslatib oʻatmiz, SHHTning navbatdagi 18-sammiti Xitoyning Tsindao shahrida 9-10 iyun kunlari boʻlib oʻtmoqda. Undan 20dan ortiq hujjatlar imzolangan va ularning eng asosiysi — Tsindao deklaratsiyasidir.

Mavzu:
Tsindaoda SHHT sammiti (14)

Asosiy mavzular