21:31 15 Oktyabr 2019
Efir
  • RUB147.25
  • EUR10438.58
  • USD9455.24
Setevoye oborudovaniye

Sunʼiy ong 48 soat ichida stsenariy yozib film suratga oldi

© Sputnik / Vladimir Trefilov
Dunyoda
Havola olish
363 0 0

Mazkur filmning rejissyori va stsenariynavisi ham, montajchisi ham Benjaminning oʻzi boʻldi.

TOSHKENT, 15 iyun — Sputnik. Benjamin deb ataluvchi sunʼiy ong 48 soat ichida film tayyorladi. Mazkur filmning rejissyori va stsenariynavisi ham, montajchisi ham Benjaminning oʻzi boʻldi. Bu haqda The Times yozmoqda.

Benjamin film syujetini ishlab chiqdi, soʻngra eski oq-qora filmlardan mos keladigan sahnalarni tanlab oldi va shundan soʻng neyrotarmoq kadrlarni birlashtirdi. Oq-qora tasvirdagi qahramonlarning yuzi oʻrniga zamonaviy aktyorlarning qiyofalari qoʻyildi.

Vaqtning chegaralanganligi tufayli — Benjaminda film yaratish uchun atigi 48 soat vaqt bor edi, film syujeti unchalik tushunarli chiqmadi. Ammo bunga qaramay, neyrotarmoq mualliflari — rejissyor Oskar Sharp va dasturchi Ross Gudvin ushbu sohadagi izlanishlarini davom ettirishmoqchi. Sharp va Gudvin Benjaminni 2016 yilda ishlab chiqishgan boʻlib, sunʼiy ong qisqa metrajli film yaratgandi. Oʻshanda neyrotarmoq gʻoyasi bilan Sunspring mini-filmi suratga olingan, unda "Kremniy vodiysi" seriali yulduzi Tomas Middlditch rol ijro etgandi.

Avvalroq Massachusets texnologiya instituta olimlari telba-qotillardek fikrlovchi Norman deb ataluvchi sunʼiy ongni namoyish etishgandi. Neyrotarmoqqa Alfred Xichkokning “psixo” filmidagi qahramon – qotil Norman Beyts nomi berilgan.

Asosiy mavzular