18:37 19 Iyul 2018
Efir
  • RUB124.54
  • EUR9100.06
  • USD7787.81
Prezident SSHA Donald Tramp na vstreche s liderami YES v Bryussele, arxivnoye foto

Tramp SSSR davridayoq "yollangan" boʻlishi mumkin, deb yozmoqda OAV

© Sputnik / Aleksey Vitvitskiy
Dunyoda
Havola olish
130701

Kremlda Tramga nisbatan kompromatlar mavjudligi taxmin qilingan

TOSHKENT, 12 iyul — Sputnik. AQShning amaldagi prezidenti Donald Trampni 1987 yildayoq, uning Moskvaga tashrifi vaqtida "qoʻlga olishgan", deb yozmoqda New York Magazine jurnali.

Nashr Trampning siyosiy karyerasi boshlanish davrini uning Moskvaga mehmonxona qurilishi bilan bogʻliq tashrifi bilan bogʻlaydi. Xususan, bu voqea oldidan bir yil avval Amerikaning boʻlgʻusi prezidenti sovet elchisi Yuriy Dubinin bilan uchrashgan edi. Xabar qilinishicha, mehmonxona qurilmay qolib ketgan, ammo "Tramp SSSRdan siyosiy ambitsiyalar bilan qaytgan".

Shuningdek, Kremlda Trampga nisbatan uning 1987 va 2013 yillardagi Moskvaga tashriflari boʻyicha kompromatlar mavjudligi taxmin qilingan.

Bundan tashqari, AQSH prezidenti oʻz soliq deklaratsiyasini eʼlon qilishni xohlamasligi, uning uzoq yillar davomida "turli usullar bilan rossiya pullarini olgan boʻlganligi" bilan bogʻlashmoqda.

Ayni vaqtda AQShda Rossiyaning goʻyoki amerika saylovlariga aralashuvi va Trampning Moskva bilan taxminiy aloqalari yuzasidan surishtiruv ishlari olib borilmoqda. Ammo Oq uy maʼmuriyati va Kreml bu ayblovlarni rad etadi. Rossiya bu singari ayblovlarni isbotsiz deb atab, ularni qatʼiy rad etib keladi.

Rossiya prezidenti matbuot-kotibi Dmitriy Peskov saylovlarga aralashuv boʻyicha ayblovlarni " mutlaqo dalilsiz", deb atagan.

AQSH va Rossiya prezidentlari Finlyandiya poytaxti 16 iyul kuni uchrashishadi. Kreml maʼlumotiga koʻra, ular ikkiyoqlama munosabatlarni rivojlantirishning istiqboli va xalqaro kun tartibidan oʻrin olgan muhim masalalarni muhokama qiladilar. Bu Tramp va Putinning hech qanday sammitlarga bogʻlanmagan toʻliq formatdagi uchrashuvi boʻladi.

Asosiy mavzular