18:02 20 Iyun 2019
Efir
  • RUB132.57
  • EUR9566.00
  • USD8535.74

Ashraf Gʻani Moskvadagi afgʻonlararo uchrashuvga izoh berdi

© Sputnik / Aleksey Vitvitskiy
Dunyoda
Havola olish
Afgʻoniston: 30 yil tinchlik ilinjida (35)
401 0 0

"Ular u yerda kim bilan va nima haqda kelishishmoqchi? Ularning vakolati qani? Afgʻon hukumati, Afgʻoniston milliy assambleyasi va afgʻon huquq institutlari bilan bitim tuzilmas ekan, agar bu kabi uchrashuvlardan yuztasi oʻtkazilgan taqdirda ham bu faqatgina qogʻozdagi kelishuvligicha qolib ketaveradi", - deb aygan Gʻani

TOSHKENT, 6 fev - Sputnik. Afgʻoniston prezidenti Ashraf Gʻani Moskvada oʻtkazilgan afgʻonlararo uchrashuvga "Moskvadagi tadbirda ishtirok etgan afgʻon siyosatchilari mamlakatni rasmiy vakili emas", deya izoh berdi, deb xabar qilmoqda RIA Novosti.

Afgʻonistonda vaziyatni barqarorlashtirish boʻyicha afgʻon siyosatchilari anjumani Moskva shahrida 5-6 fevral sanalarida oʻtkazilmoqda. Rossiyada yashovchi afgʻon diasporasi, siyosatchilar va faollar va boshqa qator davlatlardan afgʻon diasporalari ishtirok etishmoqda. Muzokaralarda "Tolibon" harakati vakillari, shuningdek, Afgʻonistonning sobiq prezidenti Xamid Karzay rahbarligida afgʻon siyosatchilari va jamoatchilik vakillari qatnashmoqda.

"Ular u yerda kim bilan va nima haqda kelishishmoqchi? Ularning vakolati qani? Afgʻon hukumati, Afgʻoniston milliy assambleyasi va afgʻon huquq institutlari bilan bitim tuzilmas ekan, agar bu kabi uchrashuvlardan yuztasi oʻtkazilgan taqdirda ham bu faqatgina qogʻozdagi kelishuvligicha qolib ketaveradi", - deb aygan Gʻani.

U shuningdek, "Tolibon" radikal harakati bilan tinchlik bitimi haqida toʻxtalar ekan, toki bu masalada umummilliy konsensusga kelishmas ekan, ushbu bitim tuzilmaydi, deya qayd etdi.

Gʻani shuningdek, Afgʻoniston hukumati AQShning toliblar bilan muzokaralari haqida xabari borligini maʼlum qilgan. "Barcha muzokaralar haqida bizga maʼlumot berilmoqda. Muzokaralar bizning rejamizga muvofiq qadamma-qadam rivoj topib boraveradi", - degan u.

Afgʻonistondagi bir-biriga qarshi boʻlgan tomonlar oʻrtasida toʻgʻridan-toʻgʻri muloqotni yoʻlga qoʻyish masalalari turli maydonlarda, shu jumladan Moskvada ham oʻtkazilib kelinmoqda. RF 9 noyabr kuni yopiq formatda Afgʻoniston boʻyicha uchrashuv oʻtkazilgan edi.

Birinchi marotaba bunday darajadagi uchrashuvda toliblarning Doxadagi siyosiy ofisi delegatsiyasi ishtirok etdi. Afgʻonistondan oʻzini hukumat va toliblar oʻrtasidagi vositachi sifatida belgilab olgan jahon oliy kengashi ishtirok etgandi.

Mavzu:
Afgʻoniston: 30 yil tinchlik ilinjida (35)

Asosiy mavzular