21:09 16 Sentyabr 2019
Efir
  • RUB142.96
  • EUR10360.56
  • USD9395.63

Poroshenkoni Zelenskiyga hokimiyatni silliq topshirishga chaqirishmoqda

© Sputnik / Stringer
Dunyoda
Havola olish
30310

“Katta yettilik” vakillari Poroshenkoni Zelenskiyga hokimiyatni topshirishga chaqirishdi.

TOSHKENT, 16 may – Sputnik. “Katta yettilik” (G7) davlatlari vakillari Ukraina prezidenti Pyotr Poroshenkoni hokimiyatni yangi saylangan prezident Vladimir Zelenskiyga topshirishga chaqirishdi, deya xabar qilmoqda RIA Novosti.

Qayd etilishicha, Pyotr Poroshenkoning G7 va Yevropa ittifoqi davlatlari elchilari bilan uchrashuvida uning prezidentligi davomida amalga oshirilgan islohotlar va ularning natijalari muhokama qilingan.

“G7 elchilari hokimiyatning silliq topshirilishiga chaqirishdi, bu Ukrainaga u tanlagan islohotlar yoʻlini davom ettirishga imkon beradi”, - deyiladi xabarda.

Poroshenkoning matbuot xizmatining maʼlum qilishicha, G7 vakillari prezident saylovlari yuqori darajada oʻtkazilganini taʼkidlashgan.

Avvalroq Ukraina Oliy radasining tartib-qoida masalalari boʻyicha qoʻmitasi Zelenskiyning inauguratsiyasi sanasiga doir 7 ta loyihani koʻrib chiqqan va parlamentni ulardan har biri boʻyicha ovoz berishga chorlagan. Yangi saylangan prezident Zelenskiyning oʻzi esa inauguratsiyasi 19 may kuni oʻtishini talab qilmoqda.

Ukraina MSK Vladimir Zelenskiyni prezidentlik saylovlarida gʻolib chiqqanini rasman eʼlon qildi. U saylovning ikkinchi bosqichida 73,22 foiz ovoz toʻpladi. Amaldagi prezident Pyotr Poroshenko saylovchilarning 24,45 foiz ovozini toʻplab, magʻlubiyatga uchradi.

Qonunga binoan yangi davlat rahbarining inauguratsiyasi 3 iyunga qadar boʻlib oʻtishi kerak.

Asosiy mavzular