00:06 20 Sentyabr 2019
Efir
  • RUB146.51
  • EUR10421.13
  • USD9411.30

Xitoy AQShni Yaqin Sharqga bosim oʻtkazishni bas qilishga chaqirdi

© Sputnik / Aleksey Drujinin
Dunyoda
Havola olish
30720

Xitoy AQShni Yaqin Sharqdagi vaziyatni ziddiylashtirmaslikka chaqirmoqda

TOSHKENT, 18 iyun - Sputnik. Xitoy barcha tomonlarni sogʻlom idrokni saqlab qolishga, Yaqin Sharqdagi holatni ziddiylashtirmaslikka chaqirmoqda, AQSH esa oʻzining bosim oʻtkazish metodlarini qoʻllashni bas qilmogʻi lozim, deb bayonot qildi seshanba kuni Suriya tashqi ishlar vaziri Valid Muallim bilan oʻtkazgan matbuot-anjumani yakuni boʻyicha XXR TIV rahbari Van I.

"Yaqin Sharqda tinchlik va barqarorlikni qatʼiy himoya qilishimiz lozim. Biz barcha tomonlarni sogʻlom idrok va ogʻir-bosiqlikni saqlab qolishga, mintaqada vaziyatni ziddiylashtiradigan harakatlardan oʻzni tiyishga, falokatlarga yetaklovchi harakatlardan uzoq boʻlishga chaqiramiz. Ayniqsa, AQSH oʻzining bosim oʻtkazish metodidan voz kechishi kerak", - deb aytgan Van I Ummon koʻrfazidagi holatga izoh berar ekan.

U shuningdek, Xitoy voqealar rivojini diqqat bilan kuzatayotganini qoʻshimcha qilgan.

Eslatib oʻtamiz, oʻtgan haftada Ummon koʻrfazida ikkita neft tankeri – Front Altair va Kokuka Courageous hujum uyushtirilgan edi. Ayrim maʼlumotlarga koʻra, gap torpedali hujum haqida bormoqda, aynan shuning natijasida kemalarda portlash va yongʻin yuz bergan. Ammo bu hodisa nima sababdan yuz bergani toʻgʻrisida rasmiy tasdiqlov eʼlon qilinganicha yoʻq. Zarar koʻrgan kemalarning barcha ekipaj aʼzolari Eron hududiga evakuatsiya qilingan.

AQSH yuz bergan hodisada hech qanday dalilni keltirmay, Eronni aybladi. Tehron ushbu ayblovlarni asossiz, deya rad etdi. Rossiya tashqi ishlar vazirligi oʻz navbatida hodisani oʻrganishni va surishtiruv yakunlarini kutishni, shoshma-shoshar xulosalar chiqarmaslikka chaqirdi.

Asosiy mavzular