04:08 22 Iyul 2019
Efir
  • RUB136.34
  • EUR9673.87
  • USD8584.50
Prezident Kыrgыzstana Almazbek Atambayev

Qirgʻizistonda xalq Atambayev uyida toʻplanmoqda

Sputnik
Dunyoda
Havola olish
1717 0 0

Qoʻy-Toshda toʻplanayotganlarning aksariyati mamlakat Joʻqorgʻu Keneshi faoliyatidan noroziligini bildirmoqda

TOSHKENT, 22 iyun — Sputnik. Bugun, 22 iyun kuni Qoʻy-Tosh qishlogʻida Qirgʻizistonning sobiq prezidenti Almazbek Atambayevning tarafdorlari yigʻilishi boʻlib oʻtmoqda, deb xabar berdi Sputnik Qirgʻiziston.

Tadbir Atambayevning dala hovlisida oʻtkazilmoqda.

Xabarda aytilishicha, dacha hovlisidagi katta oʻtovda Chuy viloyatining turli qishloqlaridan kelgan 200ga yaqin kishi toʻplangan. Oqsoqollar va sobiq prezidentning yaqin doʻstlari mamlakatdagi siyosiy vaziyatni muhokama qilishga yigʻilganlar.

Toʻplanganlar navbatma-navbat mikrofon qarshisiga chiqib, Atambayevni qshllab-quvvatlashlarini bildirmoqda. Yigʻilganlar Joqorgʻu Kenesh deputatlari faoliyatidan norozi, deyilgan xabarda.

Qirgʻiziston parlamenti 13 iyun kuni maxsus komissiyani tashkil etgan va u olib borgan ish yakunida Atambayev oltita jinoyatga aloqador boʻlishi mumkinligi bayonot qilingan. Mamlakat parlamenti 20 iyun kuni maxsus komissiya xulosasini maʼqullagan va hujjatni Bosh prokuraturaga yoʻllagan. Bosh prokuratura yetti kun davomida jinoiy ish qoʻzgʻatilishi uchun asos bor-yoʻqligini aniqlashtirishi kerak. Agar prokuratura bor, degan xulosani bersa, parlament Atambayevdan daxlsizlikni olib tashlash masalasini koʻrib chiqadi.

Maʼlum boʻlishicha, ushbu yigʻilish Almazbek Atambayev tarafdorlari tashabbusi bilan oʻtkazilmoqda. Dala hovli yonida militsionerlar yoʻq boʻlsada, Qoʻy-Tosh qishlogʻida koʻplab patrul mashinalari harakati kuzatilmoqda, Atambayev kuch ishlatish organlari xodimlari kuzatuvida ekanligi ehtimoldan holi emas, deb yozgan nashr.

Asosiy mavzular