Emomali Rahmon va Sooronbay Jeenbekov ikki davlat chegarasida uchrashdi

© DOSALIEV SULTANGlavi Tadjikistan i Kirgizstana Emomali Raxmon i Sooronbay Jeenbekov vstretilis na uchastke tadjiksko-kirgizskoy gosudarstvennoy granisi
Glavi Tadjikistan i Kirgizstana Emomali Raxmon i Sooronbay Jeenbekov vstretilis na uchastke tadjiksko-kirgizskoy gosudarstvennoy granisi - Sputnik O‘zbekiston
Obuna bo‘lish
Tojikiston va Qirg‘iziston rahbarlari chegara hududidagi aholi bilan qo‘shma uchrashuv o‘tkazishdi.

TOShKENT, 26-iyul — Sputnik. Qirg‘iziston prezidenti Sooronbay Jeenbekov va Tojikiston prezidenti Emomali Rahmon qirg‘iz-tojik chegarasida uchrashdi. Bu haqda Qirg‘iziston rahbari matbuot xizmati xabar qildi.

Xabarda ta’kidlanishicha, ikki davlat rahbari chegara hududidagi aholi bilan qo‘shma uchrashuv o‘tkazishgan.

Mahalliy aholi bilan uchrashuvda ikki davlat rahbarlari tinchlik va totuvlik, xalqlar o‘rtasidagi ko‘p asrlik do‘stlikni saqlash muhimligini qayd etdilar. Shuningdek, chegaradagi mavjud bo‘lgan barcha muammolarni bartaraf etish uchun chora ko‘rishga tayyor ekanini ta’kidladilar.

Mestnie jiteli sela Kara-Bak na kirgizsko-tadjikskoy granitse - Sputnik O‘zbekiston
Tojik-qirg‘iz chegarasidagi qurolli mojaro: hozir vaziyat qanday

Ma’lum qilinishicha, ikki davlat yetakchilari muzokaralarni davom ettirish uchun Tojikiston Respublikasining Isfara shahriga yo‘l olishgan.

Eslatib o‘tamiz, 22-iyul kuni Tojikiston va Qirg‘iziston chegarasida navbatdagi qurolli mojaro yuz berdi. Qirg‘iziston davlat chegara xizmati ma’lumotiga ko‘ra, Tojikiston Vorux qishlog‘i aholisi aholi punktiga kirish joyiga bayroq o‘rnatmoqchi bo‘lishgan, Oq-Soy (Qirg‘iziston) qishlog‘i ahli esa bunga qarshi chiqishgan. Og‘zaki tortishuv davomida tomonlardan biri qurol ishlatgan. Otishma oqibatida bir nafar tojikistonlik o‘qituvchi halok bo‘ldi, 16 kishi jarohatlandi, bir nafar militsiya xodimi og‘ir ahvolda.

Keyinchalik Tojikiston chegara xizmati ushbu voqeani Tojikiston rahbari Emomali Rahmon va Qirg‘iziston rahbari Sooranbay Jeenbekovning uchrashuvi arafasidan uyushtirilgan ig‘vo deb atadi.

Yangiliklar lentasi
0