17:37 07 Avgust 2020
Efir
  • RUB137.46
  • EUR12021.09
  • USD10209.86
Dunyoda
Havola olish
28410

Gumon qilinuvchi otishmani sodir etishdan oldin Twitter᾽dagi sahifasida Yangi Zelandiyadagi masjidlarda sodir etilgan va 50 kishining oʻlimi hamda 50 kishining jarohatlanishiga olib kelgan teraktni qoʻllab-quvvatlashi haqidagi manifestni eʼlon qilgan.

TOSHKENT, 4 avg - Sputnik. AQShning El-Paso shahridagi (Texas shtati) supermarketda otishma sodir boʻldi. Otishma oqibatida 20 kishi halok boʻldi. Bu haqda RIA Novosti xabar qilmoqda.

Meksika prezidenti Andres Manuel Lopes Obradorning maʼlum qilishicha, qurbonlar orasida 3 nafar meksikalik ham bor. 

El-Paso politsiya boshligʻi Greg Allen 26 kishi yaralanganini maʼlum qilgan.  

Otishma shanba, 3 avgust kuni El-Paso shahridagi Walmart savdo markazida yuz bergan. Politsiya otishmada gumon qilingan bir kishini qoʻlga olgan.

​NBC telekanali xabariga koʻra, Dallasda yashovchi 21 yoshli erkak qoʻlga olingan. Politsiya boshligʻi Greg Allen gumonlanuvchi qoʻllagan qurol turini aytishdan bosh tortgan, biroq baʼzi materiallarda u AK-47 avtomati bilan tasvirlanganini maʼlum qilgan. Shuningdek, Allen gumonlanuvchi voqea joyida politsiyaga taslim boʻlgani tasdiqlagan.

Politsiya hujum qilgan shaxsning nima sababdan bu jinoyatga qoʻl urgani hozircha aniqlanmaganini maʼlum qildi.

Qayd etilishicha, gumon qilinuvchi otishmani sodir etishdan oldin Twitter᾽dagi sahifasida Yangi Zelandiyadagi masjidlarda sodir etilgan va 50 kishining oʻlimi hamda 50 kishining jarohatlanishiga olib kelgan teraktni qoʻllab-quvvatlashi haqidagi manifestni eʼlon qilgan.   

Asosiy mavzular