08:31 12 Noyabr 2019
Efir
  • RUB148.82
  • EUR10455.03
  • USD9490.77

"Sharq shamoli": Xitoy eng yangi mintaqalararo ballistik raketani koʻz-koʻz qildi

© Sputnik / Anton Denisov
Dunyoda
Havola olish
394 0 0

Assoshieyted Press agentligi xabariga koʻra, yangi ballistik raketa AQSH va uning ittifoqdoshlari keng yoʻlga qoʻygan raketalarga qarshi qalqonlarni teshib oʻtishga qodir.

TOSHKENT, 1 okt – Sputnik. Xitoy Xalq Respublikasi tashkil topganining 70 yilligiga bagʻishlangan harbiy paradda Pekin tomonidan eng yangi DF-41 ("Dunfen-41", "Sharq shamoli" deb nomlangan) mintaqalararo ballistik raketa namoyish etildi. Bu haqda RIA Novosti xabar qilmoqda.

Xitoy seshanba kuni oʻz tarixidagi eng yirik harbiy paradni oʻtkazmoqda, unda Xitoy xalq-ozodlik armiyasining 15 ming nafar harbiy xizmatchilari, 580 ta texnika, 160 samolyot va vertolyotlar ishtirok etmoqda. Paradni XXR raisi Si Tszinpin qabul qildi.

Raketaning keng ommaga namoyishi 2009 yildagi paradda kutilgan, biroq bu roʻy bermagan edi.

Qattiq yoqilgʻi bilan ishlaydigan uch pogʻonali DF-41ni ishlab chiqarish Xitoyda 1980 yillarda boshlab yuborilgan, raketani sinovdan oʻtkazish 2012 yilda amalga oshirilgan.

Turli manbalar maʼlumotlariga koʻra, DF-41 12 mingdan 14 ming kilometrgacha boʻlgan masofaga ucha oladi. U oltitadan oʻntagacha manevrni amalga oshiruvchi alohida bosh qismlarni tashiy oladi va aynan shu jihat uni tutib olishni qiyinlashtiradi.

© Sputnik / Anna Ratkoglo
Repetitsiya parada v chest 70-letiya obrazovaniya KNR

Raketa uzunligi 21 metr boʻlib, korpus aylanasi - 2,2 – 2,5 metrni tashkil etadi. Raketani yer ustidagi hamda temir yoʻldagi harakatlanuvchi platforma, shaxtadagi ishga tushirish moslamalari orqali uchirish mumkin.

Turli manbalar maʼlumotlariga koʻra, nishonga olish aniqligi 100dan 500 metrgachani tashkil etadi.

Assoshieyted Press agentligi xabar berishicha, yangi ballistik raketa AQSH va uning ittifoqdoshlari tomonidan keng yoʻlga qoʻyilgan raketalarga qarshi qalqonlarni teshib oʻtishga qodir.

2017 yilda Xitoy DF-41ni RF bilan chegaradosh boʻlgan Xeyluntszyan shimoli-sharqiy provintsiyasida joylashtirgani haqida maʼlum boʻlgach, Rossiya OAVlarida Pekinning asl maqsadlari haqida turli qarama-qarshi fikrlar paydo boʻlgan edi. Harbiy ekspertlar bu holatga izoh berar ekan, mintaqalararo ballistik raketaning harbiy xususiyatlari va uning ayniqsa startda tutib qolish uchun oʻta zaifligini hisobga olganda, Xitoyning Rossiya territoriyasida raketalarni joylashtirishi, tahdiddan emas, aksincha, davlatlararo oʻrnatilgan yuqori darajadagi ishonchdan dalolat ekanligini aytishgan.

RF prezidenti matbuot-kotibi Dmitriy Peskov, OAVlarda tarqalgan xabarlarga izoh berar ekan, Moskva Xitoyning qurolli kuchlari rivojini tahdid sifatida qabul qilmasligi haqida bayonot bergan edi.

DF-41 joylashuvi toʻgʻrisida OAVlarda tarqalgan xabarlar oʻsha vaqtda Oval kabinetni endigina egallagan Amerika prezidenti Donald Trampga nisbatan ogohlantirish belgisi ekanligi taʼkidlangandi.

Asosiy mavzular