14:58 20 Noyabr 2019
Efir
  • RUB149.01
  • EUR10498.56
  • USD9500.96
Raketnыy kompleks Iskander-M

Qiyomat kuni tobora yaqinlashmoqda - BMT bosh kotibi oʻrinbosari

© Sputnik / Vitaliy Ankov
Dunyoda
Havola olish
111711

Analitika bilan shugʻullanuvchi koʻplab tashkilotlar, qurollanish ustidan nazorat qiluvchi ekspertlar tobora oʻsib borayotgan yadroviy qarama-qarshilik xatarlari haqida gapirishmoqda. Barchaga maʼlum "Qiyomat kuni" soatlari yana ikki daqiqasi kam oʻn ikkiga qaytarildi

TOSHKENT, 15 okt - Sputnik. Yadro urushi xatarlari oshmoqda, dunyodagi vaziyat tobora xavfli tus olmoqda, buning koʻpgina sabablari mavjud, jumladan, mamlakatlar oʻrtasida ishonch yetishmasligi, muloqot tanqisligi, ilm-fan va yangi texnologiyalarning shiddat ila rivojlanishi, deya bayonot qildi BMT bosh kotibining qurolsizlantirish masalalari boʻyicha oʻrinbosari Idzumi Nakamitsu. Bu haqda RIA Novosti "Kommersant" nashriga tayanib xabar qilmoqda.

"Analitika bilan shugʻullanuvchi koʻplab tashkilotlar, qurollanish ustidan nazorat qiluvchi ekspertlar tobora oʻsib borayotgan yadroviy qarama-qarshilik xatarlari haqida gapirishmoqda. Barchaga maʼlum "Qiyomat kuni" soatlari yana ikki daqiqasi kam oʻn ikkiga qaytarildi. Vaziyat tagʻin oʻta xavfli tus olayotganini anglatuvchi jiddiy xatarlar mavjud. Va men buning turli sabablarini koʻrmoqdaman", - dedi Nakamitsu. Uning soʻzlariga koʻra, "taassufki, davlatlar, xususan, yadroviy derjavalar oʻrtasidagi ishonchga jiddiy putur yetgan".

"Shu bilan birga, muloqot yetishmasligini ham qayd etmoq lozim. Koʻrinib turibdiki, yetakchi derjavalar harbiy imkoniyatlarni diplomatiya, muzokaralar hamda muloqotdan koʻra koʻproq qadrlamoqdalar", - deya ishora qildi BMT bosh kotibi oʻrinbosari.

Ayol soʻzlariga koʻra, xalqaro munosabatlarning umumiy yomonlashuvi kuzatilmoqda va xuddi shu narsa oʻtkir ritorikaga sabab boʻlmoqda. "Bizning koʻz oʻngimizda tasalli bermaydigan holat rivojlanmoqda", - dedi Nakamitsu.

Bundan tashqari, ayol "ilm-fan va yangi texnologiyalarning shiddat bilan taraqqiy etayotganiga" ishora qilgan. "Biz bu holat yadro sohasiga qanday taʼsir koʻrsatishini aniq bilmaymiz, lekin koʻpchilik kibermakonda zararli faoliyat oqibatlari qanday boʻlishi, sunʼiy ongdan foydalangan holda qurol, gipertovushli qurol va oddiy qurol-aslahalardan foydalanish strategik oqibatlarga olib kelishi mumkin mumkinligi haqida yaxshiroq anglash lozimligi toʻgʻrisida gapirishni boshlamoqda", - deya tushuntirdi BMT bosh kotibi oʻrinbosari.

Asosiy mavzular