23:28 05 Dekabr 2019
Efir
  • RUB147.79
  • EUR10476.36
  • USD9510.99
 Ministr inostrannыx del Islamskoy Respubliki Iran Moxammad Djavad Zarif

AQSH mintaqani “ID”dan qutqarishga kelmaydi – Eron TIV rahbari

© Sputnik / Sergey Guneyev
Dunyoda
Havola olish
455 0 0

Eron tashqi ishlar vaziri Afgʻonistondagi vaziyatdan xavotirda va ishonch komilki, ISHID yetakchisi yoʻq qilingandan keyin ham tahdid nafaqat Afgʻoniston va MO mamlakatlari, balki boshqa dunyo davlatlari uchun ham saqlanib qolmoqda.

TOSHKENT, 17 noya — Sputnik. “Islom davlati”* rahbari Abu Bakr al-Bagʻdodiyning yoʻq qilinishi Markaziy Osiyo va Yaqin Sharq barqarorligini kafolatlamaydi. Qolaversa, terrorchilik vaziyat keskinlashgan taqdirda AQSH yordamiga tayanib boʻlmaydi – ishonchi komil Eron TIV rahbari Muhammad Javad Zarifning.

U “India Today” nashriga bergan intervyusida Suriyadan quvib chiqarilgan terrorchilar Afgʻonistonni oʻzlarining yangi platsdarmi uchun juda mos boʻlgan maydon sifatida koʻrib chiqishayotganliklarini taʼkidladi. Shu bois “ID” nafaqat Markaziy Osiyo mamlakatlariga, balki boshqa davlatlar, jumladan, Hindiston, Pokiston, Rossiya va Xitoyga tahdid tugʻdirmoqda. Siyosatchining soʻzlariga koʻra, faqat barcha sayʼ-harakatlarni birlashtirgan holda bu tahdidning tarqalishiga samarali qarshi kurashish mumkin.

“Terrorchilik guruh oʻz bazasini Suriya va Iroqdan hududi boʻlgan va hamma uchun tashvish uygʻotuvchi Afgʻonistonga koʻchirmoqda. Bu bir mamlakatga emas, balki butun mintaqaga boʻlgan real tahdid”, - dedi Javad Zarif.

Vazir Tojikiston va Oʻzbekistonda ISHID tarafdorlari tayyorlayotgan amaliyotlar toʻgʻrisida maʼlumotga egaligini taʼkidlagan. Shu bilan birga eronlik diplomat tahdidga qarshi oʻz kuchlari bilan qarshi turish kerak deb hisoblaydi, chunki vaziyat keskinlashganda Vashingtondan yordam kutishga toʻgʻri kelmaydi.

“AQSH bizni qutqargani kelmaydi. Oʻzimizga oʻzimiz yordam berishimiz kerak”, - deya soʻzlariga yakun yasagan vazir.

Eslatib oʻtamiz, 6 noyabrga oʻtar tunda Tojikistonning Oʻzbekistonga yaqin hududida joylashgan "Ishqobod" chegara postiga hujum uyushtirildi. Hujum vaqtida 20 ta jangarilardan 15 tasi oʻldirilgan, Tojikiston tomonidan esa toʻrt kishi halok boʻlgan. Keyinchalik “ID”* Tojikistondagi “Ishqobod” chegara postiga uyushtirilgan hujum uchun javobgarlikni zimmasiga oldi.

ISHID oʻz jangarilarini Afgʻonistonga olib borishga harakat qilmoqda – Eron vitse-prezidenti

*Rossiya va qator boshqa davlatlarda taqiqlangan terrorchilik tashkilot

Asosiy mavzular