22:07 29 Yanvar 2020
Efir
  • RUB153.89
  • EUR10541.66
  • USD9563.33
Dunyoda
Havola olish
56210

Germaniya kantsleri Angela Merkel Qozogʻiston prezidenti Qosim-Jomart Tokayev bilan uchrashuvda Qozogʻiston madhiyasini oʻtirgan holatda tingladi.

TOSHKENT, 6 dek - Sputnik. Qozogʻiston prezidenti Qosim-Jomart Tokayevni kutib olish marosimida Germaniya kantsleri Angela Merkel Qozogʻiston madhiyasini oʻtirgan holatda tingladi, buni Germaniya hukumatida tasdiqlashdi.

“Bu feyk emas, kantsler madhiyani oʻtirgan holatda tingladi”, - deb tasdiqlashdi bundestagda.

Kuni kecha Qozogʻiston prezidenti Qosim-Jomart Tokayev rasmiy tashrif bilan Germaniyaga keldi.

Soʻnggi payt Germaniyaga tashrif buyurgan xorijiy mamlakat prezidentlari bir necha uchrashuvlari davomida kantsler Merkel stulda oʻtirib, davlat madhiyalarini tinglashi kuzatilgan.

Hindistonga noyabr oyida amalga oshirilgan tashrif vaqtida Merkel ikki davlat madhiyalarini oʻtirgan holatda tingladi. Xuddi shunday holat sentyabrda Xitoyga amalga oshirilgan tashriflar chogʻida takrorlandi.

Germaniya hukumati Angela Merkelning salomatligi bilan bogʻliq jiddiy muammo yoʻqligi haqida rasmiy ravishda maʼlum qildi.

Iyun oyidan beri Merkel bir necha marta rasmiy uchrashuvda oʻzini yomon his qilish holatlari yuz bergan. Jumladan, iyun oyida Merkelni Berlinda Ukraina prezidenti Vladimir Zelenskiy bilan uchrashuvda titroq bosgandi.

Iyul oyida Angela Merkel Finlandiya bosh vaziri Antti Rinne bilan uchrashuv vaqtida yana oʻzini yomon his qilgandi.

Keyinroq Germaniya prezidenti Frank-Valter Shtaynmayer bilan uchrashuv chogʻida ham uni kuchli qaltiroq tutib qolgandi.

Yaqinda noyabr oyi oxirida Berlinda koʻp tomonlama savdo va axborot xavfsizligi masalalariga bagʻishlangan anjumanda Angela Merkel sahnaga chiqayotgan vaqtda qoqilib yiqilgandi.

Asosiy mavzular