00:51 27 May 2020
Efir
  • RUB121.10
  • EUR10637.67
  • USD9554.22
Dunyoda
Havola olish
206 0 0

Demokratlar Donald Tramni isteʼfoga chiqarishga erisha olmadilar. Senat Trampni aybsiz deb topdi va shu bilan impichment jarayoni yakunlandi.

TOSHKENT, 6 fev - Sputnik. AQSH Senati impichment jarayonining ikkala masalasi boʻyicha ham prezident Donald Trampni oqladi. Bu haqda CNN xabar bermoqda.

Amerika yetakchisi ikki masala - hokimiyatni suiisteʼmol qilish va Kongressga toʻsqinlik qilishda ayblayotgan edi.

Birinchi modda boʻyicha ayblovlarni 48 senator qoʻllab-quvvatladi. Ular orasida faqat bitta respublikachi bor edi - Mitt Romni (bu Amerika tarixidagi birinchi bunday holat). 52 senator qarshi ovoz berdi.

Trampga qarshi ayblovning ikkinchi bandini 47 senator qoʻllab-quvvatladilar, 53 kishi qarshi ovoz berdi.

Taʼkidlash joiz, Senatda Vakillar palatasidan farqli oʻlaroq, koʻp oʻrin respublikachilar partiyasiga tegishli (100 oʻrindan 53tasi). Demokratik partiyadan 45 senator koʻrsatilgan. Yana ikkita senator partiyasiz, ammo ular demokratlar bilan koalitsiyada.

Impichment berish jarayonini yakunlash uchun 67 senator har qanday ayblov uchun “ha” deb ovoz berishlari kerak edi.

Tramp nimada ayblandi

2019 yil sentyabr oyida Pelosi Trampga qarshi impichment jarayoni boshlanganini eʼlon qildi. Demokratlar tomonidan nazorat qilinadigan AQSH Kongressining Vakillar palatasi ushbu tashabbusni qoʻllab-quvvatladi.

Demokratlarning taʼkidlashicha, Oq uy rahbari Ukraina prezidenti Vladimir Zelenskiyga Jo Baydenning oʻgʻliga qarshi korruptsiya ishini tergov qilishga yordam berish uchun bosim oʻtkazgan. Ushbu siyosatchi Trampning 2020 yilda boʻlajak prezident saylovlarida eng kuchli raqibi deb hisoblanadi.

AQSH prezidenti barcha ayblovlarni rad etib, demokratlar boshlagan jarayonni “jodugarlarga qarshi ov” deb atadi.

Yakun topgan impichment jarayoni AQSH tarixida uchinchisi boʻldi: 1868 yilda senatorlar Endryu Jonsonni va 1999 yilda Bill Klintonni oqlagan edilar. 1974 yilda Richard Nikson impichment jarayoni boshlanganidan keyin ixtiyoriy ravishda isteʼfoga chiqqan.

Asosiy mavzular