00:40 02 Iyun 2020
Efir
  • RUB121.10
  • EUR10637.67
  • USD9554.22
Dunyoda
Havola olish
849 0 0

Shanbaga oʻtar kechasi Jambil viloyatining Korday tumanida ommaviy mushtlashuv yuz berdi. Buning oqibatida 10 kishi halok boʻldi. Prezidentning aralashishiga toʻgʻri keldi.

TOSHKENT, 9 fev — Sputnik. Jambil viloyatining Korday tumanidagi ommaviy tartibsizliklar mahalliy aholining yoʻldagi mojarosidan boshlangan, deb xabar qilmoqda Sputnik Qozogʻiston.

“Beshinchi fevral kuni yoʻl mojarosi roʻy bergan. Uch kishi avtomobilda toʻgʻri yoʻldan ketayotgan boʻlgan, yana uch kishi shu vaqt uydan yoʻlga chiqqan. Mojaro – kim kimga yoʻl bermadi. Natijada odatda boʻlgani singari oʻsha joyning oʻzida ogʻzaki gapdan qoʻl koʻtarishga aylanib ketgan”, - deya maʼlum qilgan Qozogʻiston ichki ishlar vaziri oʻrinbosari Aleksey Kalaychidi

Uning soʻzlariga koʻra, mojaro ijtimoiy tarmoqlarda tarqatilgani tufayli kattalashib ketgan. Hozirda huquq-tartibot xodimlari igʻvogarlarni qidirmoqda. Ular orasida nafaqat yoshlar, balki keksa yoshdagilar ham boʻlgan.

Vazir oʻrinbosarining taʼkidlashicha, ular mojaro joyiga yaqin ham boʻlishmagan. Ular oʻzlarining qandaydir oʻylari bilan buni ijtimoiy tarmoqda yoritish zarur deb hisoblashgan.

“Biroq ularning postlari mana shunday taʼsir koʻrsatdi”, - deya aniqlik kiritgan Aleksey Kalaychidi.

Qozogʻiston SSVning tasdiqlangan maʼlumotlariga koʻra, ommaviy tartibsizliklar oqibatida oʻn kishi halok boʻlgan, 165 kishi tibbiy yordam soʻrab murojaat qilgan. 50 kishi (10 kishi Qirgʻizistonda) kasalxonaga yotqizilgan, 8 kishi jonlantirish boʻlimida qolmoqda.

Eslatib oʻtamiz, avvalroq Qozogʻiston janubida ommaviy mushtlashuv yuz bergani xabar qilingan edi.

Asosiy mavzular