09:24 27 Fevral 2020
Efir
  • RUB148.82
  • EUR10329.35
  • USD9526.28
Dunyoda
Havola olish
188420

Germaniyalik shifokorlar ichak faoliyatini tiklashga yordam beradigan mahsulotlar roʻyxatini tuzishdi. Unga asosiy 5 ta mahsulot kiritildi.

TOSHKENT, 12 fev – Sputnik. Shifokorlar ichak faoliyatini tiklashga yordam beradigan mahsulotlar roʻyxatini tuzishdi. Germaniyaning Focus.de portali xabariga asosan.

Roʻyxatga kokos, yalpiz, qizil baliq (losos), malina va limon kiritildi.

Kokos asosidagi mahsulotlar, shu jumladan sut va yogurt virus va bakteriyalar koʻpayishiga qarshi xususiyatlarga ega.

Yalpiz ichak sindromi alomatlarini yengillashtirishga yordam beradi – ichak traktini boʻshashtiradi, ogʻriq, qorin shishishini kamaytiradi.

Tadqiqotchilar, shuningdek, D vitaminining kamligi va yoʻgʻon ichakning surunkali kasalliklari, masalan, saraton kasalligi bilan bogʻliqligini aniqladilar. Olimlar fikriga koʻra, Omega-3 kislotalariga boy yogʻli baliq yalligʻlanish jarayonini toʻxtatishga va infektsiyaga qarshi kurashadigan bakteriyalar faolligini oshirishga yordam beradi.

Malinalar tarkibida tolalar koʻp boʻlganligi sababli ichak uchun eng foydali mahsulotlar roʻyxatiga kirdi. Bir meva portsiyasida taxminan sakkiz gramm klechatkani oʻz ichiga oladi, bu odamning kunlik ehtiyojining chorak qismi hisoblanadi. Malinani isteʼmol qilish ich qotish va divertikuloz rivojlanishini oldini oladi.

Oʻz navbatida, limon S vitaminiga boy, u tanada sogʻlom bakterial muvozanatni saqlaydi va ichaklarni himoya qiladigan kollagen moddasini hosil boʻlishida muhim rol oʻynaydi.

Olimlar taʼkidlashicha, butun immunitet tizimining ishlashi ichak florasining holatiga bogʻliq, chunki antitellar ishlab chiqaradigan barcha hujayralarning taxminan 70 foizi ichak shilliq qavatida boʻladi. Bundan tashqari, unda yashaydigan bakteriyalar klechatkani parchalaydi va vitamin ishlab chiqarish uchun javobgar hisoblanadi.

Asosiy mavzular