09:53 27 Fevral 2020
Efir
  • RUB148.82
  • EUR10329.35
  • USD9526.28
Dunyoda
Havola olish
308 0 0

"Amerika tomonining ushbu harakatlari hech qanday asosga ega emas, bu ustunlikning namoyishi va sud taʼqibidir, shu munosabat bilan Xitoy bunga qarshi keskin protest bildiradi va bu qarorni qoralaydi", - deyiladi Xitoy mudofaa idorasi bayonotida.

TOSHKENT, 13 fev – Sputnik. Xitoy mudofaa idorasi mamlakatning toʻrt nafar fuqarosiga kiberoʻgʻirlik ayblovi qoʻyilishi munosabati bilan payshanba kuni amerika tomoniga norozilik bildirdi. Ushbu fuqarolar Xitoy xalq-ozodlik armiyasi harbiy xizmatchilari ekanligi taxmin qilingan, deb xabar bermoqda RIA Novosti.

"Amerika tomonining ushbu harakatlari hech qanday asosga ega emas, bu ustunlikning namoyishi va sud taʼqibidir, shu munosabat bilan Xitoy bunga qarshi keskin protest bildiradi va bu qarorni qoralaydi", - deyiladi Xitoy mudofaa idorasi bayonotida.

Qayd etilishicha, "Xitoy xalqaro kiberxavfsizlikning sabotli himoyachisi boʻlib, Xitoy har qanday shakldagi kiberjinoyatlarga qatʼiy qarshi turadi va ularga qarshi qonuniy asosda kurashadi, xitoy armiyasi esa maxfiy maʼlumotlar kiberoʻgʻirligida hech qachon ishtirok etmagan".

Bayonotda shuningdek, AQSH hukumati va tegishli organlar uzoq vaqtlar davomida xalqaro huquq va xalqaro munosabatlarning asosiy normalariga zid ravishda chet el hukumatlari, korxonalar va alohida shaxslarga nisbatan yirik koʻlamli, uyushgan kiberjinoyatlar, josuslik va kuzatuvlarni amalga oshirishganligi taʼkidlangan.

Shuningdek, bayonotda AQSH hali ham WikiLeaks va Edvard Snouden hodisalari boʻyicha xalqaro hamjamiyatga tushuntirish bermaganligi iddao qilingan.

"AQSH kiberxavfsizlik masalalarida ikkitalik standartlarga tayanadi, ular munofiqlarcha harakat qilmoqda. Biz AQSH oʻz xatolarini zudlik bilan tuzatishlarini, ilgari surilgan ayblovlarni olish tashlashlarini talab qilamiz, toki bu holat ikki davlat va ularning qurolli kuchlari oʻrtasidagi munosabatlarga bundan keyin ziyon yetkazmasin", - deb qayd etadi idora.

Sal oldin AQSH bosh prokurori Uilyam Barr Equifax byurosi kompyuterlarining buzilishi va kreditorlar tarixi hamda shaxsiy maʼlumotlar oʻgʻirlanishi munosabati bilan toʻrt nafar xitoylik xakerlarga ayblov eʼlon qilgan edi. Vashingtonda ularni XXOA harbiy xizmatchilari, deb hisoblaydilar. Bosh prokuror maʼlumotiga koʻra, jinoyat 2017 yilda sodir etilgan va tarixda shaxsiy maʼlumotlarning oʻgʻirlanishiga oid yirik jinoyat sanaladi.

Asosiy mavzular