17:28 30 Mart 2020
Efir
  • RUB130.22
  • EUR10572.34
  • USD9520.34
Dunyoda
Havola olish
548 0 0

Prezidentlikning dastlabki ikki yilida Markaziy razvedka boshqarmasi (TSRU) Trampga eng xavfli terrorchilar roʻyxatini taqdim etgan.

TOSHKENT, 17 fev — Sputnik. AQSH prezidenti Donald Tramp jiddiyroq tahdidlar mavjudligiga qaramasdan mamlakat maxsus xizmatidan “Al-Qoida” yetakchisi Usama bin Ladenning oʻgʻli Hamzani yoʻq qilishni talab qilgan. Bu haqda NBC telekanali Amerika maʼmuriyati sobiq xodimining soʻzlariga tayangan holda xabar qildi.

Uning soʻzlariga koʻra, prezidentlikning dastlabki ikki yilida Markaziy razvedka boshqarmasi (TSRU) Trampga eng xavfli terrorchilar roʻyxatini taqdim etgan. Ammo Amerika rahbari aynan Hamza bin Ladenni yoʻq qilishni talab qilgan. Buni u boshqa jangarilar rahbari haqida “hech qachon eshitmagani” bilan asoslagan.

Telekanal maʼlumotlariga qaraganda, Amerika maxsus xizmatlari birinchi navbatda yoʻq qilishni rejalashtirganlar orasida yanvar oxirida Yamanda oʻldirilgan “Al-Qoida Arabiston yarim orolida”* terrorchilik guruhi yetakchisi Qosim ar-Raymiy hamda 2019 yil oktyabrida Suriyada oʻldirilgan ID* rahbari Abu Bakr al-Bagʻdodiy boʻlgan.

“Men hech qachon bu odamlar haqida eshitmaganman. Hamza bin Laden haqida nima deysiz?”, - deya Tram soʻzlaridan iqtibos keltirgan telekanal suhbatdoshi.

Suhbatdoshning fikriga koʻra, Trampning xavfli terrorchilarni yoʻq qilish toʻgʻrisida qaror qabul qilishiga ularning ismlarini bilish yoki bilmasligi muhim rol oʻynagan.

2019 yil sentyabr oyida Tramp Hamza bin Laden AQShning Afgʻoniston va Pokiston mintaqasidagi maxsus amaliyoti natijasida yoʻq qilingani maʼlum qilgan edi.

*Rossiyada taqiqlangan terrorchilik tashkiloti

Asosiy mavzular