Dunyodagi eng ko‘p qurol eksport qiluvchi davlatlar nomlari e’lon qilindi

Snayperskiy pritsel
Snayperskiy pritsel - Sputnik O‘zbekiston
Obuna bo‘lish
2015-2019 yillarda Yaqin Sharqqa qurol yetkazib berish 61% ga o‘sdi, mintaqaga dunyo qurol eksportining 35% to‘g‘ri keladi. Mintaqaning va butun dunyoning eng katta importchisi Saudiya Arabistonidir.

TOShKENT, 9 mar - Sputnik. Stokgolm Xalqaro Tinchlik Tadqiqotlari Institutining (SIPRI) yillik hisobotiga ko‘ra, 2015-2019 yillarda dunyo bo‘ylab qurol savdosi oldingi besh yillik davrga nisbatan 5,5 foizga o‘sdi, sezilarni o‘sish AQSh va Fransiyada qayd etildi.

Perviy zapusk prototipa perspektivnogo giperzvukovogo orujiya (Advanced Hypersonic Weapon ) na poligone v SShA - Sputnik O‘zbekiston
Gipertovushli qurol, “Xanjar” va super raketa: ekspert "eng asosiy trendlar"ni aytdi

Qurol eksporti bo‘yicha yetakchi beshlikka AQSh, Rossiya, Fransiya, Germaniya va Xitoy kirdi. So‘nggi besh yil ichida 2010-2014 yillar bilan taqqoslaganda AQShda (23%) va Fransiyada (72%) savdo hajmlarining sezilarli o‘sishi qayd etildi. Shu bilan birga, SIPRI ma’lumotlariga ko‘ra, Rossiya qurollarini eksport qilish hajmi ko‘rsatilgan davrda 18 %ga kamaydi.

"Hindistonga (Rossiyadan qurol sotib oluvchi asosiy mamlakat) yetkazib beriladigan Rossiya qurollari hajmining pasayishi  Rossiya qurollari eksporti hajmining keskin pasayishiga olib keldi. Misr va Iroqqa Rossiya qurollari eksportining o‘sishi 2015-2019 yillarda jami savdoning kamayishini qoplay olmadi", - deyiladi SIPRI qurol-aslaha va harbiy xarajatlar dasturining tadqiqotchisi Aleksandra Kuimova ma’ruzasida.

Ekspert Xitoy qurol sotishda Rossiyani ortda qoldirishi mumkinligiga shubha qildi.

V Akmolinskoy oblasti Komitetom natsionalnoy bezopasnosti Respubliki Kazaxstan presechena protivopravnaya deyatelnost etnicheskoy prestupnoy gruppi, prichastnoy k organizatsii postavki ognestrelnogo orujiya i boyepripasov iz Rossii - Sputnik O‘zbekiston
Qozog‘istonda Rossiyadan qurol olib kelish bilan shug‘ullanganlar qo‘lga olindi

Institutning qurol eksporti bo‘yicha o‘tgan yilgi hisobotida 2014-2018 yillarda Rossiyaning harbiy sanoati kompleksi yetkazib berish hajmi 17 %ga kamaygani aytilgan edi. Shunda "Rostex" matbuot xizmati bu ma’lumotlar haqiqiy emasligi haqida bayonot berdi, chunki so‘nggi o‘n yil ichida harbiy-texnik hamkorlik sohasida savdo-sotiq o‘sib bormoqda.

Yangi hisobotga ko‘ra, Janubiy Koreya birinchi marta qurol-aslaha eksport qiluvchi o‘nta mamlakatlar qatoriga kiritildi, uning savdosi 2010-2014 yillar bilan taqqoslaganda 143 foizga o‘sgan. Isroil qurol eksporti 77 foizga o‘sdi va rekord darajaga yetdi.

2015-2019 yillarda Yaqin Sharqqa qurol yetkazib berish 61% ga o‘sdi, mintaqaga dunyo qurol eksportining 35% to‘g‘ri keladi. Mintaqaning va butun dunyoning eng katta importchisi Saudiya Arabistonidir. Undan tashqari, Hindiston, Misr, Avstraliya va Xitoy ushbu ko‘rsatkich bo‘yicha yetakchi beshlikka kirdi.

Turkiyaning qurol importi sezilarli darajada (48%) kamaydi. "(Buni - tahr.) ayrim qurol-aslaha tizimlari ta’minotining kechikishi, shuningdek, Amerika harbiy samolyotini sotib olish va Turkiyaning qurol-yarog‘ sanoatini rivojlantirish bo‘yicha AQSh bilan" yirik "kelishuvning bekor qilinishi bilan izohlash mumkin", - deyiladi SIPRI hisobotida.

Yangiliklar lentasi
0