TOShKENT, 16 mar - Sputnik. Xitoyda yangi turdagi koronavirus bilan og‘rigan bemorlar soni kundan kunga kamaymoqda, hozirgi paytda 9,898 kishi kasalxonalarda qolmoqda, XXRning sog‘liqni saqlash bo‘yicha davlat qo‘mitasining ma’lumotlariga ko‘ra, infeksiyani yuqtirganlarning 84 foizi tuzalib ketgan.
So‘nggi ma’lumotlarga ko‘ra, Xitoyning orol iismida tasdiqlangan koronavirus infeksiyasi holatlari soni 80 860 ga yetdi, shundan 67 749 kishi davolanib kasalxonadan chiqarildi, bu jami holatlarning 83,78% ni tashkil qiladi.
Epidemiya boshlangandan beri, Xubey provinsiyasidan tashqari, butun Xitoy bo‘ylab 13622 ta yuqtirish holatlari qayd etilgan, ulardan 114 tasi halokatli, o‘lim darajasi esa 0,87%. Epidemiyaning o‘chog‘i bo‘lgan Xubey provinsiyasida 67798 ta infeksiya holati aniqlandi, 3099 kishi vafot etdi, o‘lim darajasi 4,57% ni tashkil etdi.
Shu bilan birga, Xubey provinsiyasining Uxan shahrida o‘lim darajasi 4,93% ni tashkil etdi. Umuman olganda, epidemiya 3213 kishining hayotiga zomin bo‘ldi, mamlakatda o‘rtacha o‘lim darajasi 3,97% ni tashkil etdi.
2019 yil 31-dekabr kuni Xitoy hukumati Jahon sog‘liqni saqlash tashkilotini mamlakatning markaziy qismida (Xubey provinsiyasi) Uxan shahrida kelib chiqishi noma’lum pnevmoniya kasalligi avj olgani haqida xabardor etgandi. Mutaxassislar kasallikning qo‘zg‘atuvchisi yangi koronavirus ekanligini aniqladilar, keyinchalik kasallikka rasmiy COVID-19 nomi berildi.
JSST 11-mart kuni dunyoda yangi koronavirus pandemiyasini e’lon qildi. XHR Davlat sog‘liqni saqlash qo‘mitasi 12-mart kuni mamlakatda epidemiyaning eng yuqori cho‘qqisi o‘tib bo‘lganini ma’lum qildi.
