19:16 25 May 2020
Efir
  • RUB121.10
  • EUR10637.67
  • USD9554.22
Dunyoda
Havola olish
106901

Koronoavirus pasportiga yoki millatiga qarab yuqmaydi, bunday oʻlat butun inson zoti biologik tur sifatida qirilib ketishiga olib kelishi mumkin.

Agar dunyo bekamu-koʻst boʻlganida, umumjahon miqyosidagi tabiiy ofatlar vaqtida insoniyat hamjihatlik bilan ushbu fojeaga qarshi kurashgan boʻlardi. Bugun esa biz qaygʻuli manzara guvohi boʻlmoqdamiz. RIA Novosti xabariga asosan.

Ayrim karantinda zerikib qolgan fuqarolar kornavirusning “millatini” aniqlash bilan shugʻullanishmoqda. Eng qaygʻulisi esa - bunday mashgʻulot bilan eng yuqori darajali davlat rahbarlari ham shugʻullanishmoqda.

Ushbu millatchilar oxir oqibat, koronavirus tarqalishida bir davlatni ayblab, undan tovon puli va kechirim talab qilishga ham tayyorga oʻxshaydi.

Donald Trampni koronavirus millatinini aniqlashning bosh tashabbuskorlaridan biri deyish mumkin. Bunga bir necha sabablar bor. Ulardan eng asosiysi, bunday deyish Trampning soʻnggi yillarda olib borgan “Hamma narsada Xitoy aybdor, Xitoyni jazolash kerak va shunday yoʻl bilan biz Amerikani yana buyuk davlatga aylantiramiz” degan siyosatiga mutlaq hamohangdir.Xitoy

Sir emaski, koronavirus epidemiyasi haqida dastlabki maʼlumotlar paydo boʻlganda, aksariyat davlatlar oʻz chegaralarini qisman yoki toʻliq yopish, koronavirusni aniqlash uchun testlar ishlab chiqarish bilan shugʻullangan edi. Amerika esa, birinchi navbatda Xitoy v Hindistondan oʻzi uchun kerakli boʻlgan ishlab chiqarish korxonalarini olib chiqish masalarini muhokama qilish bilan band boʻlgandi. Bu haqida Trampning yordamchisi Navarro Fox News va Breitbart nashrlariga xabar qilgan.

Vaholanki, ishlab chiqarish tizimini koʻchirishga bir necha yil kerak boʻlardi, virus boʻlsa bir necha kunda planetani egallab oldi. Ushbu voqealardan soʻng The New York Times “Xitoy tayyorlanish uchun bir necha kun vaqt berdi, lekin Gʻarb uni noʻnoqlarcha yoʻq qildi” deb yozgan edi.

Haqiqatdan ham, AQSH dastavval virus kirib kelishini oldini olish choralarini koʻrish oʻrniga, birinchilardan boʻlib Xitoyni ayblashga tushdi. Donald Tramp haligacha oʻz chiqishlarida koronavirusni  “xitoy virusi” deb atashdan charchamaydi. Uning tarafdorlari ham shu nomga oʻrganishgan.

“Amerika Qoʻshma Shtatlari aviakompaniya va “xitoy virusidan” zarar koʻrgan boshqa sohalarga yordam berishga tayyor. Biz oldingidan ham kuchli boʻlamiz!”, - degan edi Tramp oʻz chiqishlaridan birida.

Xitoy diplomatlari bir necha bor rasman murojaat qilishlariga qaramasdan, AQSH koronavirusni “xitoy virusi” deb atashni bas qilgani yoʻq. Ular buni nima maqsadda qilayotganlarini tushunsa boʻladi, albatta.

Hammasiga “Xitoy aybdor boʻlsa”, aholining Vashingtondagi hukumatga daʼvosi kamroq boʻladi. Bugun AQSH fuqarolari epidemiya tufayli supermarketlarda oziq-ovqat, tualet qogʻozi uchun uzoq navbatlarda turishga majbur boʻlmoqdalar. Mamlakatda koronavirus testlari tishmovchiligi kuzatilmoqda. Shu bilan birga amerikaliklar (negadir) qurol-yarogʻ va oʻq-dori ham gʻamlamoqdalar.

Bunday strategiya Amerikada oʻziga xos fenomenlar ham keltirib chiqarmoqda. Oddiy amerikaliklarning Xitoyga nisbatan munosabati salbiy tomonga oʻzgarmoqda. Odamlar

xitoy kvartallaridagi magazinlarga kirmay qoʻyishgan. Vaholanki, boshqa magazinlar boʻshab qolgan vaqtda aynan chaynataundagi magazinlar tualet qogʻozi va konservalar kabi defitsit tovarlar bilan liq toʻla, deyishmoqda voqea guvohlari.

Xitoylik milliarder Jek Ma AQShga 500 mingta koronavirus testlarini bepul yetkazib berishi haqida eʼlon qilganida, amerika ijtimoiy tarmoqlarida ushub xabar oʻta salbiy kutib olindi. Foydalanuvchilar virus tarqalishida Xitoy aybdorligini va ushbu  testlar Xitoyda ishlab chiqarilgani uchun ulardan voz kechish kerak degan fikrlar bildirishdi. Aytish joizki, Jek Ma Italiya va Afrika mamlakatlariga ham xuddi shunday gumanitar yordam yoʻllagan edi.

Amerikada boʻlsa, haqiqatdan ham koronavirus testlari yetishmovchiligi kuzatilmoqda.  The Atlantic jurnali xabariga koʻra, 13 mart holatiga AQShda  bor-yoʻgʻi 13 953 ta koronavirus testi oʻtkazilgan.  Shu davr mobaynida Rospotrebnadzor 104 mingta test oʻtkazgan edi.

Xitoy diplomatlarining koronavirus kelib chiqishi va u aslida AQShdan kelib chiqqan boʻlishi mumkinligi haqidagi oʻrinli savollariga Mayk Pompeo boshchiligidagi AQSH Davlat departamenti, negadir xafa boʻlishadi.

Qissadan hissa shuki, diplomatik va axborot urushlari qanchalik kuchli va uzoq davom etmasin, ular koronavirusga qarshi kurshada zarracha yordam bermaydi, virus bilan kasallanganlar hayotini yengillashtirmaydi.

Asosiy mavzular