03:50 07 Iyul 2020
Efir
  • RUB142.48
  • EUR11455.78
  • USD10184.73
Dunyoda
Havola olish
253 0 0

Angela Merkel muloqotda boʻlgan shifokor koronavirusga chalingani maʼlum boʻlganidan soʻng Germaniya kantsleri karantinga joylashtirildi.

TOSHKENT, 23 mar - Sputnik. Germaniya federal kantsleri Angela Merkel 22 mart kuni oʻz uyida karantinga joylashtirildi. Bu haqida Germaniya hukumatining rasmiy vakili Shteffen Zaybert xabar qilgan, Sputnik Germaniya xabariga asosan. 

Xabarda aytilishiga koʻra, 20 mart kuni Angela Merkel pnevmokok infektsiya vaktsinasi ukolini olgan. Keyinroq esa kantslerni ukol qilgan vrach koronavirus infektsiyasi bilan kasallangani maʼlum boʻlgan.

Shundan soʻng Merkel koronavirus testi topshirgan, lekin uning natijasi ishonchli boʻlmagan. Shu sababli Merkel yana bir necha kun davomida karantinda boʻladi va koronavirusga qarshi testlar topshiradi, deyilgan xabarda.  

Maʼlumot uchun, bugungi kunda Germaniyada koronavirusga chalingan fuqarolar soni 22100 kishini tashkil qilgan, vafot etganlar 55 kishi. Har kuni Germaniyada kasallanganlar soni oʻrtacha 1700 kishiga ortib bormoqda.  

 

Asosiy mavzular