TOShKENT, 24 mar - Sputnik. Amerika prezidenti Donald Tramp AQSh ma’muriyatining koronavirusga qarshi kurash bo‘yicha koordinatori Debora Birksning betobligini eshitishi hamon, o‘zini zudlik bilan chetga oldi.
"Shanba kuni istimam biroz ko‘tarilgandi", - dedi ayol seshanba kuni koronavirus bilan bog‘liq vaziyat yuzasidan uyushtirilgan va Tramp ishtirok etayotgan matbuot-anjumanida.
Buni eshitgan Tramp "Oh!" - degancha, darhol ayoldan bir necha qadam uzoqlashdi.
"Balki bu oshqozon-ichak bilan bog‘liq nimadir. Men mas’uliyatliman. Shifokorman. Men hammasini tekshirdim... Shanba kuni test topshirdim va kaminada koronavirus borligi tasliqlanmadi", - davom etdi Birks.
Ayolga yaqinroq kelgan Tramp go‘yo ancha yengil tortgandek yana chuqur "uh" tortdi. Ammo bu safar uning yuzida tabassum aks etardi.
"Aytganingiz uchun rahmat", - qo‘shimcha qildi AQSh prezidenti.
"Mana, biz qanday qilib bir-birimiz haqimizda qayg‘urmog‘imiz lozim", - deya o‘z nutqini yakunladi Birks, koronavirus bilan bog‘liq vaziyatda har bir shaxsning mas’uliyati haqida gapirar ekan.