TOShKENT, 1 apr — Sputnik. Qozog‘istonda COVID-19 qurbonlari jasadini yorish taqiqlandi. Bu haqda RIA Novosti xabar qilmoqda.
Xabarda yozilishicha, koronavirus infeksiyasidan vafot etganlarni dafn etish algoritmi tasdiqlangan. Hujjat bilan jasadni yorish va uni qarindoshlariga berish taqiqlanadi
“Algoritmga ko‘ra, tanani yorish va ularni qarindoshlariga berishga yo‘l qo‘yilmaydi, 3 metrdan kam bo‘lmagan masasofadan yaqin qarindoshlari bilan vidolashishga ruxsat beriladi. Shu bilan birga vafot etgan shaxsning tanasi vidolashish joyida bir soatdan ortiq bo‘lmasligi lozim”, - degan Qozog‘iston Davlat sanitariya bosh shifokori Ayjan Yesmagambetova.
Qozog‘istonda koronavirus bilan bog‘liq 369 ta holat qayd etilgan. Shundan uchtasi o‘lim bilan yakunlangan. Mamlakatda 16-martdan favqulodda holat rejimi amal qilmoqda. Nur-Sulton va Olmaotada 19-martdan karantin joriy etilgan. Keyinchalik karantin choralari mamlakatning qator boshqa shaharlarida joriy etildi.
