13:10 30 May 2020
Efir
  • RUB121.10
  • EUR10637.67
  • USD9554.22
Dunyoda
Havola olish
3197 0 0

National Interest aytishiga koʻra "Tochka" oʻrniga "Iskander" kelmoqda, u uzoqroq masofaga zarba berishi va yanada kuchliroq jangovar qismga ega.

TOSHKENT, 10 apr - Sputnik. Amerikaning The National Interest  nashri yerusti harakatlanuvchi raketa tizimlarini Rossiya qurolli kuchlarining muhim oʻziga hos qismi deb atadi.

Sharhlovchi Kaleb Larsonning taʼkidlashicha, ushbu komplekslar shaxtada joylashgan raketalarga nisbatan harakatchan, ammo ularning himoyasi zaifroq. Xalqaro va strategik tadqiqotlar markazining maʼlumotlariga koʻra, Rossiyaga SSSRdan meros qolgan raketalar toʻplami miqdori va xilma-xilligi boʻyicha dunyoda eng koʻp sonli raketlarga ega davlatdir.

"Rossiya barcha turdagi raketalarni yaratish sohasidagi yetakchi davlat boʻlib qolmoqda va Rossiya strategik vazifalar raketa kuchlari Moskvaning harbiy strategiyasining muhim elementini mujassam qiladi... lokal nizolarda kirishga toʻsqinlik yaratish/hududni bloklashdan boshlab boshqa qitʼada joylashgan nishonga strategik yadro qurolini yetkazishgacha", - deb eslatadi NI.

Shu bilan birga, muallif taʼkidlashicha, Kaliningrad viloyatida raketa tizimlari joylashtirilmoqda va ular yordamida Rossiya "Boltiq dengizining bir qismini toʻsib qoʻyishi mumkin".

Nashrda aytilishicha, Rossiyada "Tochka" raketasining bir nechta versiyalari mavjud. Raketa tizimi 1975 yilda ishlab chiqilgan va qabul qilingan. U kuchlarni, vositalarni va taktikalarni ishlatishda katta moslashuvchanlikni beradi. Bundan tashqari, raketa tankga qarshi, radiolokatsion tizimlarga qarshi va piyodalarga qarshi jangovar kalla, shuningdek uchish-qoʻnish yoʻlagiga zarar yetkazadigan jangovar qismlar bilan jihozlanishi mumkin.

"Bundan tashqari, oʻn yoki yuz kiloton quvvatga ega maxsus yadroviy "bosh qismi" ham mavjud", - deb eslatdi Larson.

Raketani tashiydigan tashuvchi, yoʻllardan tashqarida harakatlanishi hamda suv toʻsiqlarini ham yengib oʻtishi mumkin.

NI taʼkidlaganidek, "Tochka" oʻrniga "Iskander" kelmoqda, u uzoqroq masofaga zarba berishi va yanada kuchliroq jangovar qismga ega. Raketani nishonga yoʻnaltirish uchun GLONASS tizimidan foydalaniladi, shuningdek hudud relyefini kuzatish uchun inertsial tizim va radiolokatsion tizim qoʻllaniladi.

"Bu nishonga juda aniq uruvchi raketadir. Uning aniqlik ehtimoliy xatosi besh metrdan oʻn metr aylanmagacha", - deya taʼkidladi Larson.

Ishga soluvchi qism tomi zirhlangan - bu raketani yaxshiroq himoya qilishga imkon beradi.

Shuningdek sharhlovchi, bir nechta joylashtirilish variantlariga: havo, dengiz va quruqlikdagi joylanishga ega  Yaxont (Oniks) raketalar oilasini eslatdi. Taʼkidlanishicha, yer usti raketalari Indoneziya va Vyetnamga eksport qilinadi. Bundan tashqari, Rossiya va Hindiston BraMos raketasini yaratdilar, Larsonning soʻzlariga koʻra, u Yaxontning eksport versiyasiga oʻxshaydi.

Rossiyaga SSSRdan meros qolgan baʼzi raketalar va qurilmalar biroz eskirgan boʻlishiga qaramay, ular Yevropada ziddiyat vujudga kelgan taqdirda Boltiq dengizini toʻsib qoʻyish uchun ishlatilishi mumkin.

Asosiy mavzular